शिक्षा विधेयक ल्याउन दबाब दिंदै शिक्षकहरू सिंहदरबारमा
सरल पत्रिका १५ असार २०८२ १०:२४
फाइल तस्बिर
काठमाडौं । आज असार १५ । परम्परागत रूपमा दही चिउरा खाने दिन । यही दिनको म्याद राखेर सरकारले विद्यालय शिक्षा विधेयक पारित गर्ने वाचा गरेको थियो ।
विधेयक पारित गरी ऐन जारी गर्ने भनेर सरकारले नेपाल शिक्षक महासंघसँग सहमति गरेको थियो । सहमतिअनुसार आज असार १५ गते विधेयक पारित हुनुपर्ने हो ।
यसो भए पनि विधेयकलाई संसदीय समितिले टुंग्याउन सकेको छैन । समितिले टुंग्याएर संसदमा पेश गरेपछि मात्र पारित गर्ने प्रक्रिया अघि बढ्छ ।
ऐन जारी गर्न माग गर्दै महासंघको अगुवाई र आह्वानमा शैक्षिक हड्तालसँगै काठमाडौं केन्द्रित आन्दोलन भएको थियो । सरकारले वैशाख १७ गते वार्ता गरी असार १५ गतेभित्र ऐन जारी गर्ने सहमति गरेको थियो ।
विधेयकलाई अन्तिम रुप दिन समितिमा छलफल जारी छ । धेरै विषयको टुंगो लागिसकेको केही बाँकी रहेको समितिले जनाएको छ । बिहानैदेखि शिक्षक महासंघको टोली सिंहदरबारस्थित शिक्षा समितिको कार्यालयमा पुगेर सांसदहरूलाई दबाब दिइरहेका छन् ।
शिक्षक महासंघ सहअध्यक्ष नानुमाया पराजुलीको नेतृत्वमा शिक्षकको टोली सिंहदरबारमा पुगेको हो । संसदीय समितिको कार्यालय अगाडि पुगेर महासंघका प्रतिनिधिहरुले समितिका सदस्य एवं पूर्वशिक्षामन्त्री सुमना श्रेष्ठ, सांसद चन्द्र भण्डारी लगायतसँग भेट गरी विधेयकलाई चाँडो अन्तिम रुप दिइ संसदम लैजान आग्रह गरेका थिए ।
शनिबार साँझसम्म चलेको बैठक आज फेरि बस्ने भएको छ । बैठकमा सहमति गर्न बाँकी विषयलाई टुंग्याइने सभापति अम्मरबहादुर थापाले बताए ।
***
शिक्षा विधेयक असार १५ मा ‘असम्भव’
संसदमा उठ्यो प्रश्न, ‘कहाँ गयो शिक्षा विधेयक ?’
शिक्षकहरूसँगको ९ बुँदे सहमति साउनदेखि लागू हुने
‘शिक्षकका ९ बुँदे मागप्रति प्रतिबद्ध छौं’
निजी विद्यालयलाई गैरनाफामूलक बनाइने
बालविकास शिक्षा २ वर्षे बनाउने सहमति
शिक्षा विधेयकसम्बन्धी प्रतिवेदन समितिलाई बुझाइयो (यस्तो छ प्रतिवेदन)
शिक्षक-कर्मचारी आन्दोलन स्थगित, शिक्षा ऐन असार १५ भित्र जारी हुने
के हुन् शिक्षक-कर्मचारीका माग ?
