प्रीत बनोस् जीवन
सबैका धड्कनमा गुञ्जने सङ्गीत बनोस् जीवन
हरेक शब्द अक्षरले दिल छुने गीत बनोस् जीवन
फूलझैँ हर प्रहर सुवास र सौन्दर्य फैलाइ धरामा
सबैले आत्मीय आलिङ्गन गर्ने प्रीत बनोस् जीवन।
* * *
तारहरूको सुन्दर संयोजन झङ्कार बन्नुपर्छ
प्रत्येक कविता सजाउने अलङ्कार बन्नुपर्छ
स्वार्थ, कपट र आडम्बर त्यागेर युग बदल्न
आफैं एक सुसंस्कृत युगीन संस्कार बन्नुपर्छ।
–विराटनगर
प्रतिक्रिया
