बैतडीमा बिहानै भूकम्प
सरल पत्रिका १६ पुष २०८१ ८:२६
काठमाडौँ । बैतडी केन्द्रबिन्दु बनाएर आज मंगलबार बिहान भूकम्प गएको छ । राष्ट्रिय भूकम्प मापन तथा अनुसन्धान केन्द्रका अनुसार बिहान ७ः५४ बजे भूकम्प गएको हो ।
बैतडीको नवाघर आसपास केन्द्रबिन्दु बनाएर ४.६ म्याग्निच्युडको भूकम्प गएको हो । छिमेकी जिल्लाहरुमा पनि भूकम्पको धक्का महसुस गरिएको थियो ।
केही दिनयता बझाङ, मनाङ, बाजुरा, दार्चुला र जाजरकोटमा भूकम्पको धक्का महसुस हुँदै आएको छ ।
राष्ट्रिय भूकम्प मापन केन्द्रका अनुसार पुस महिना लागेयता पश्चिम नेपालका विभिन्न जिल्लामा करिब दुई साताको अवधिमा सात पटक भूकम्प गएको छ ।
प्रतिक्रिया
