हवाई भाडा आंशिक घटाइयो
सरल पत्रिका १६ असोज २०८१ १८:२९
फाइल तस्बिर
काठमाडौँ । पेट्रोलियम पदार्थको मूल्य घटेपछि हवाई भाडा समायोजन भएको छ । परिवर्तित हवाई इन्धनको मूल्यअनुसार नेपाल नागरिक उड्डयन प्राधिकरणले बुधवार नयाँ भाडा दर लागू गरेको हो ।
हवाई जहाजको भाडामा इन्धनको हिस्सा करिब ४० प्रतिशत हुन्छ । सोही आधारमा घटेको इन्धन शुल्कलाई समायोजन गर्नेगरी भाडा दर निर्धारण गरिएको हो ।
नयाँ दर अनुसार काठमाडौँबाट भद्रपुर १८० रुपैयाँ, काठमाडौँ–विराटनगर १४५ रुपैयाँ, काठमाडौँ–जनकपुर ७५ रुपैयाँ, काठमाडौँ–पोखरा ९५ रुपैयाँ मूल्य घटाइएको छ ।
यसैगरी, काठमाडौँ–भैरहवा १२० रुपैयाँ, काठमाडौँ–नेपालगन्ज १९५ रुपैयाँ तथा काठमाडौँ–धनगढी २६५ रुपैयाँ भाडा घटाइएको छ ।
प्रतिक्रिया
