साउदीमा भएको दुर्घटनामा ३ जना नेपालीको मृत्यु
सरल पत्रिका १९ माघ २०८१ ८:२८
काठमाडौं। साउदी अरबमा भएको सडक दुर्घटनामा परी तीन जना नेपाली नागरिकको मृत्यु भएको छ। पश्चिमी क्षेत्रको जिजान क्षेत्रमा बिहीबार भएको दुर्घटनामा उनीहरुको मृत्यु भएको हो।
दुर्घटनामा परी १५ जनाको मृत्यु भएकामा ३ जना नेपाली, ९ जना भारतीय र ३ जना घानाका नागरिक छन्। एक जना नेपाली घाइते भएका छन्।
जेद्दास्थित नेपाली महावाणिज्य दूतको कार्यालयका अनुसार मृत्यु हुने नेपाली श्रमिकमा पाल्पाका कृष्ण खत्री, उदयपुरका रूपक कार्की र कपिलवस्तुका मानबहादुर राना छन् ।
जिजानबाट २६ जना कामदारलाई कार्यस्थलतर्फ लिएर जाँदै गरेको बस ट्रेलरसँग ठोक्किएर दुर्घटना भएको त्यहाँका सञ्चार माध्यमले उल्लेख गरेका छन्।
प्रतिक्रिया
