दुर्घटनामा दुई जनाको मृत्यु
सरल पत्रिका १० कार्तिक २०८१ १०:१४
काठमाडौँ । दाङको तुलसीपुरमा जीप दुर्घटना हुँदा दुई जनाको ज्यान गएको छ । तीन जना गम्भीर घाइते भएको प्रहरीले जनाएको छ ।
रोल्पाबाट तुलसीपुर गइरहेको रा १ ज ८२२ नम्बरको जीप शनिबार बिहान ३ बजेतिर राप्ती राजमार्गअन्तर्गत तुलसीपुर उपमहानगरपालिका–३ साततलेमा सडकबाट खसेको हो ।
दुर्घटनामा दाङकै दङ्गीशरण गाउँपालिका–४ बैबाङका २२ वर्षीय चालक हिरामणी बुढामगर र सल्यानको कपुरकोट गाउँपालिका–६ का १९ वर्षीय सुरेश खड्काको ज्यान गएको इलाका प्रहरीका कार्यालय तुलसीपुरका प्रहरी निरीक्षक प्रकाश थापाले जानकारी दिए ।
घाइते तीन जनाको नेपालगञ्ज नर्सिङ होममा उपचार भइरहेको पनि प्रहरीले जनाएको छ ।
प्रतिक्रिया
