डाइनेस्टीको हेलिकप्टर दुर्घटनामा पाँच जनाको मृत्यु
सरल पत्रिका २३ साउन २०८१ १६:३१
काठमाडौँ । नुवाकोटको शिवपुरी गाउँपालिका– ७ सूर्यचौरमा बुधबार भएको एअर डाइनेस्टीको हेलिकप्टर दुर्घटनामा पाइलटसहित पाँच जनाको मृत्यु भएको छ ।
दुर्घटनास्थलबाट चारजना चिनियाँ नागरिक र नेपाली पाइलट अरुण मल्लको शव निकालिएको नुवाकोटका प्रहरी प्रमुख प्रहरी उपरीक्षक शान्तिराज कोइरालाले जानकारी दिए ।
काठमाडौंँबाट रसुवाको स्याप्रुबेसीका लागि उडेको एयर डाइनेस्टीको नाइन–एन एजेडी कल साइनको हेलिकप्टर उडेको तीन मिनेटमै सम्पर्कविहीन भएको थियो ।
नेपाल नागरिक उड्डयन प्राधिकरणका अनुसार काठमाडौंँबाट दिउँसो १ बजेर ५४ मिनेटमा उडेको एअर डाइनेस्टीको हेलिकप्टर तीन मिनेटमै सम्पर्कविहीन भएको थियो ।
प्रतिक्रिया
