८ महिनामा खर्बभन्दा बढीको निर्यात
काठमाडौं । आठ महिनाको अवधिमा नेपालबाट एक खर्ब रुपैयाँभन्दा धेरैको वस्तु तथा सेवा विभिन्न मुलकमा निर्यात भएको छ ।
भन्सार विभागका अनुसार साउनदेखि फागुनसम्म नेपालले एक खर्ब ६१ करोड रुपैयाँको वस्तु तथा सेवा निर्यात गरेको हो ।
यो परिमाण गत आर्थिक वर्षको आठ महिनाको तुलनामा चार प्रतिशतले कम हो ।
साउनदेखि फागुनसम्ममा नेपालले १० खर्ब ३० अर्ब २२ करोड २७ लाख रुपैयाँको वस्तु तथा सेवा आयात गरेको छ ।
गत वर्षको आठ महिनामा १० खर्ब ५८ अर्ब ३८ करोड ५५ लाख रुपैयाँको वस्तु तथा सेवा आयात भएको थियो ।
आयात दुई दशमलव ६६ प्रतिशतले घटेको विभागले जनाएको छ ।
तथ्यांकअनुसार आठ महिनामा नेपालको व्यापार घाटा नौ खर्ब २९ अर्ब ६० करोड ५२ लाख रुपैयाँ छ ।
प्रतिक्रिया