डिजेल र मट्टीतेलको मूल्य प्रतिलिटर १० रुपैयाँ घट्यो

काठमाडौं । नेपाल आयल निगमले डिजेल र मट्टीतेलको मूल्य प्रतिलिटर १०/१० रुपैयाँ घटाएको छ ।

भारतीय आयल कर्पोरेसन (आईओसी) ले डिजेलमा प्रतिलिटर ८ रुपैयाँ १३ पैसाका दरले घटाएर पठाएपछि निगमले प्रतिलिटर १० रुपैयाँ घटाएको हो ।

आईओसीले पेट्रोलमा प्रतिलिटर ९ रुपैयाँ ५२ पैसा घटाएर पठाएको थियो । भारत र नेपालबीचको मूल्यान्तरलाई कारण देखाउँदै निगम सञ्चालक समितिले पेट्रोलको मूल्य भने घटाएको छैन ।

नयाँ खुद्रा बिक्री मूल्य मंगलबार राति १२ बजेदेखि लागु हुने छ । डिजेलको मूल्य घटेपश्चात खुद्रा बिक्री मूल्य प्रतिलिटर १ सय ५५ रुपैयाँ पर्नेछ ।

मट्टीतेल पनि १ सय ५५ रुपैयाँ पर्ने निगमले जनाएको छ । पेट्रोलको मूल्य भने यसअघिकै प्रतिलिटर १७५ रुपैयाँ कायम छ ।


प्रतिक्रिया

Leave a Reply

Your email address will not be published. Required fields are marked *