‘थ्री नेसन्स कप’ को उपाधि नेपाललाई

काठमाडौं । लाओसलाई पराजित गर्दै नेपालले ‘प्रधानमन्त्री थ्री नेसन्स कप’ को उपाधि जितेको छ ।

शुक्रबार भएको फाइनल खेलमा लाओसलाई नेपालले २–१ गोलले पराजित गरेको हो ।

खेलको १७ औँ मिनेटमा लाओसका फोन्साक सिसाभाथले गोल गर्दै टोलीलाई अग्रता दिलाएका थिए ।

काठमाडौंको त्रिपुरेश्वरस्थित दशरथ रङ्गशालामा भएको खेलमा १ गोलले पछाडि परेको अवस्थामा नेपालले उत्कृष्ट पुनरागमन गरेको थियो ।

खेलको २४ अ‍ौँ मिनेटमा आयुष घलानले गोल गर्दै नेपाललाई १–१ गोलको बराबरीमा ल्याएका थिए ।

खेलको ८७ औँ मिनेटमा मनिष डाँगीले गोल गर्दै नेपाललाई २–१ ले जिताए ।

फाइनलमा निर्णायक गोल गरेका मनिष म्यान अफ द म्याच घोषित भए।

नेपालले उपाधिसहित ५ हजार अमेरिकी डलर र उपविजेता लाओसले २५ सय अमेरिकी डलर पुरस्कार पाएको छ ।

प्रतियोगितामा नेपाल, लाओस र भुटानको सहभागिता थियो ।


प्रतिक्रिया

Leave a Reply

Your email address will not be published. Required fields are marked *