मान्छेको चोला चुहिने झोला जिन्दगी गाह्रो छ
माघको जाडो सिरेटो चिसो ठिहीको पँधेरो
घाम र छाया टाढाको माया बाटो छ अँधेरो।
मान्छेको चोला चुहिने झोला जिन्दगी गाह्रो छ
शिशिर याम मधुरो घाम अँगेनो प्यारो छ।
कठिन यात्रा विवेक शून्य उदेश्य साँचो छ।
हृदयी हाँसो मुसुक्क हाँस्ने साथीको खाँचो छ।
माटोको घर माटोको चुला फलामे ओदान
पीडा र खुशी समेटिदिने छँदैछ यो मन।
आज त मैले खीर है खाएँ केराको पातैमा
सम्झना आयो गाएको गीत जुनेली रातैमा।
-गान्तोक | सिक्किम
प्रतिक्रिया
