काठमाडौँ। नेकपा (एमाले) को ११औँ महाधिवेशनअन्तर्गत नयाँ नेतृत्व चयनका लागि आज साँझ हुने भनिएको मतदान प्रक्रिया अन्तिम समयमा आएर स्थगित भएको छ। प्राविधिक तयारी पूरा नभएका कारण मतदान भोलि बिहानसम्मका लागि सारिएको हो।

महासचिव शंकर पोखरेलले मतदानस्थलबाटै प्रतिनिधिहरूलाई सम्बोधन गर्दै आजको मतदान स्थगित गरी भोलि बिहान ८ बजेदेखि सुरु गरिने जानकारी दिए। “प्राविधिक कारणले गर्दा मतदान प्रक्रिया सुरु गर्न सकिएन,” पोखरेलले भने, “बढ्दो चिसो र रातको समय भएकाले प्रतिनिधिहरूलाई लामो समय प्रतीक्षा गराउन उपयुक्त नदेखिएपछि यो निर्णय लिइएको हो।”

प्रतिनिधिहरू फिर्ता साँझ ७ बजेदेखि मतदान सुरु हुने आसमा लाइनमा बसेका देशभरका महाधिवेशन प्रतिनिधिहरू अब भोलि बिहान मात्रै मतदानमा सहभागी हुनेछन्। निर्वाचन आयोगले भोलि बिहान ८ बजेदेखि पुनः मतदान सुरु हुने गरी आन्तरिक तयारीलाई तीव्र पारेको छ।

चुनावी सरगर्मी कायमै मतदान समय सरेपछि नेतृत्वका आकांक्षीहरू केपी शर्मा ओली र ईश्वर पोखरेल समूहले थप रणनीतिक छलफलका लागि समय पाएका छन्। प्रतिनिधिहरूमा उत्साह र कौतुहलता कायमै देखिएको छ। निर्वाचन समितिका अनुसार भोलि बिहानैदेखि मतदान प्रक्रिया चुस्त रूपमा अघि बढाइनेछ।