इलाम। इलाममा रेड पान्डा संरक्षणको सन्देश फैलाउने उद्देश्यका साथ आयोजना गरिएको ‘रेड पान्डा म्याराथन’ मा गजेन्द्र राई र निर्मला राईले उपाधि जितेका छन्। दीपज्योति युवा क्लबको आयोजनामा भएको उक्त प्रतियोगितामा गजेन्द्र पुरुषतर्फ र निर्मला महिलातर्फ पहिलो भएका हुन्।

रोमाञ्चक प्रतिस्पर्धा र नतिजा इलाम बजारदेखि पर्यटकीय स्थल सन्दकपुरसम्मको ४४.२ किलोमिटर दूरी गजेन्द्र राईले ४ घण्टा १२ मिनेटमा पार गरे। यस्तै, करण रावल ४ घण्टा १३ मिनेटमा दूरी पार गर्दै दोस्रो र ४ घण्टा १९ मिनेटमा दूरी तय गरी देवराज महत्तरा तेस्रो भए।

महिलातर्फ खोटाङकी निर्मला राईले ५ घण्टा ४० मिनेट ३६ सेकेन्डमा निर्धारित दूरी पार गरिन्। उनलाई पछ्याउँदै सुनसरी रोकाया (५:४०:३९) दोस्रो र कल्पना बुढा (५:४०:५७) तेस्रो स्थानमा रहे। महिला र पुरुष दुवैतर्फका विजेताहरूले क्रमशः १ लाख ५० हजार, १ लाख र ५० हजार रुपैयाँ नगद पुरस्कार प्राप्त गरे।

स्थानीय खेलाडीलाई प्रोत्साहन प्रतियोगितामा इलाम, पाँचथर र ताप्लेजुङका धावकहरूलाई स्थानीय श्रेणीमा पनि पुरस्कृत गरिएको थियो। जसमा पाँचथरका राजन मेन्याङ्बो प्रथम भए। उनले ४ घण्टा ३९ मिनेट १० सेकेन्डमा दौड पूरा गरे। स्थानीयतर्फ दोस्रो, तेस्रो र चौथो हुनेले क्रमशः २५ हजार, २० हजार, १० हजार र ५ हजार रुपैयाँ प्राप्त गरे।

संरक्षणका लागि दौड विश्वमै दुर्लभ मानिने रेड पान्डा र जैविक विविधताको संरक्षणमा जनचेतना अभिवृद्धि गर्ने उद्देश्यले यो म्याराथन आयोजना गरिएको आयोजक दीपज्योति युवा क्लबले जनाएको छ। म्याराथनमा नेपाल र भारतका गरी कुल ७३ जना (६२ पुरुष र ११ महिला) धावकहरूको सहभागिता रहेको थियो।