काठमाडौं। सरकारले हालै भएको जेनजी आन्दोलनका घटनाहरूको छानबिन गर्न एक उच्चस्तरीय जाँचबुझ आयोग गठन गरेको छ।

मन्त्रिपरिषद्को आज आइतबार साँझ बसेको बैठकले गत भदौ २३ र २४ गतेका घटनाहरूको अध्ययन गर्न पूर्वन्यायाधीश गौरीबहादुर कार्कीको संयोजकत्वमा आयोग गठन गर्ने निर्णय गरेको हो।

गृह तथा कानुनमन्त्री ओमप्रकाश अर्यालका अनुसार आयोगका सदस्यहरूमा पूर्व एआईजी विज्ञानराज शर्मा र कानुनविद् विश्वेश्वरप्रसाद भण्डारी छन्। यस आयोगलाई आफ्नो प्रतिवेदन बुझाउनका लागि तीन महिनाको समयसीमा दिइएको छ।