झापा। झापाको बुद्धशान्ति गाउँपालिका–७, जरेबरस्थित रनबहादुर चेम्जोङको घरमा दुर्लभ मानिने राज गोमन (किङ कोब्रा) सर्प फेला परेको छ।

स्थानीय सर्प उद्धारकर्ताहरू कृपेश कार्की, श्याम प्रधान र वीरेन्द्र तिवारीले सर्पको उद्धार गरेका थिए। उक्त सर्पको तौल करिब ८.५ किलो र लम्बाई १२.५ फिट छ।

जिल्ला वन कार्यालय, भद्रपुरको समन्वयमा उक्त सर्पलाई बिर्तामोडस्थित सामुदायिक वनको प्राकृतिक बासस्थानमा सुरक्षित रूपमा छाडिएको मेची वन्यजन्तु तथा चराचुरुङ्गी संरक्षण समाजका अध्यक्ष देवेन्द्र खरेलले जानकारी दिए।