काठमाडौँ। उच्च अदालत पाटनले मेडिकल व्यवसायी दुर्गा प्रसाईंलाई दुई छुट्टाछुट्टै मुद्दामा कुल २८ लाख रुपैयाँ धरौटी माग गर्दै रिहा गर्न आदेश दिएको छ।

सोमबार न्यायाधीश टंकप्रसाद गुरुङ र डिल्लीरत्न श्रेष्ठको इजलासले प्रसाईंलाई बैंकिङ कसुरसम्बन्धी मुद्दामा २५ लाख रुपैयाँ र राजावादी प्रदर्शनमा संलग्न भएको आरोपमा ३ लाख रुपैयाँ धरौटी बुझाउन आदेश दिएको हो।

यसैगरी, राजावादी प्रदर्शनमा संलग्न रहेको आरोपमा पुर्पक्षका लागि थुनामा रहेका अन्य दुई जना, राजावादी भनिएका सुशील बराल र सरोज गौतमलाई पनि जनही ५०–५० हजार रुपैयाँ धरौटीमा रिहा गर्न अदालतले आदेश दिएको छ।