काठमाडौं। बाढी पहिरोका कारण जोखिम हुने भएकाले बीपी राजमार्गमा १५ दिनसम्म रातिको बेला सवारी साधन नचल्ने भएको छ।

काभ्रे, सिन्धुली र रामेछापका अन्तरजिल्ला सुरक्षा समन्वय समितिको शुक्रबार बसेको बैठकले यो निर्णय गरेको हो।

समितिले जोखिमलाई मध्यनजर गर्दै उक्त राजमार्गको खुर्कोट र काभ्रेभञ्ज्याङ सडक खण्डमा राति सवारी चलाउन रोक लगाउने निर्णय गरेको हो। रामेछापका प्रमुख जिल्ला अधिकारी श्यामकृष्ण थापाका अनुसार साँझ साढे ६ बजेदेखि बिहान ५ बजेसम्म मालवाहक गाडी बाहेक अन्य सवारी साधन चल्न रोक लगाउने निर्णय भएको छ।

समितिले काठमाडौंबाट जाने सवारी काभ्रे भञ्ज्याङमा राक्ने र काठमाडौं तर्फ जानेलाई सिन्धुलीको खुर्काेटमा रोक्ने निर्णय गरेको छ। गत असोजमा गएको बाढीपहिरोले उक्त राजमार्गमा क्षति भएको थियो। त्यसयता बेलैमा मर्मत सम्भार नगरिँदो यो वर्षा याममा पनि जोखिमकै अवस्था छ।