इलाम। मेची राजमार्गअन्तर्गत साँखेजुङमा केही बेरअघि बोलेरो गाडी दुर्घटना भएको छ। इलाम नगरपालिका १, साखेजुङस्थित नेपालटार छेउको घुम्ती बाटोबाट गाडी यात्रुसहित खसेको हो।

ताप्लेजुङबाट झापाका लागि गइरहेको मे १ ज २६४५ नम्बरको बोलेरो गाडी दुर्घटनामा परेको स्थानीय बेनुप अधिकारीले जानकारी दिए। गाडीमा ११ जना यात्रु सवार थिए।

घाइतेहरुको उद्धार गरी स्वास्थ्य संस्थामा लैजाने काम भइरहेको स्थानीय बासिन्दाले बताएका छन्। घटनाको विस्तृत विवरण आउन बाँकी छ।