विराटनगर। मोरङको सुन्दरहरैंचास्थित सुकुना बहुमुखी क्याम्पसको स्वतन्त्र विद्यार्थी युनियन (स्ववियु) सभापतिमा एलिस ओझा निर्वाचित भएका छन्।

अनेरास्ववियुका एलिसले २९९ मतान्तरका साथ नेविसंघका विजय ओझालाई पराजित गरेका हुन् । एलिसले ९८५ मत प्राप्त गरे। प्रतिस्पर्धी विजयले ६८६ मत प्राप्त गरे।

कोषाध्यक्षबाहेक सबै पदमा अनेरास्ववियुका उमेदवार निर्वाचित भएका छन्। कोषाध्यक्षमा नेविसंघकी सविना थापा निर्वाचित भइन्।