सप्तरी । सप्तरीको कञ्चनरुप नगरपालिका–३ बरमझियामा आज ट्यांकरले मोटरसाइकललाई ठक्कर दिँदा दुईजनाको मृत्यु भएको छ । दुर्घटनामा सुनसरीको हरिनगर गाउँपालिका–१ का ४१ वर्षीय महेशकुमार मेहता र ४१ वर्षकै जयप्रकाश मेहताको मृत्यु भएको प्रहरीले जनाएको छ ।

पश्चिमबाट पूर्वतर्फ जाँदै गरेको नेपाल आयल निगमको को १ ख ७४१४ नम्बरको ट्यांकरले विपरीत दिशाबाट आइरहेको प्र १–०२०४७ प १२८० नम्बरको मोटरसाइकललाई ठक्कर दिएको थियो ।