सोलुखुम्बु । सोलुखुम्बुमा हिमताल फुटेपछि थामे खोलामा आएको बाढीका कारण खुम्बुपासाङल्हामु गाउँपालिका–५ का १२ वटा घर क्षतिग्रस्त बनेका छन् । एउटा स्कुल र स्वास्थ्य क्लिनिकमा पनि क्षति भएको छ ।

बाढीमा परी एकजना स्थानीय बेपत्ता भएको प्रहरीले जनाएको छ । जिल्ला प्रहरी कार्यालय सोलुखुम्बुका डीएसपी द्वारिकाप्रसाद घिमिरेका अनुसार स्थानीय एकजना बेपत्ता भएका छन् ।

बाढीमा परी जोखिमपूर्ण अवस्थामा रहेका स्थानीय ७ जनाको उद्धार गरिएको जनाइएको छ । थामे खोलाको शिरमा रहेका हिमताल फुटेर वा कुनै पहाड खसेर बाढी आएको हुन सक्ने खुम्बु पासाङल्हामु गाउँपालिकाका प्रवक्ता लाक्पा छिरिङ शेर्पाले बताए ।