सिक्किम केन्द्रबिन्दु भएर भूकम्प, पूर्वी नेपालमा पनि धक्का महसुस
सरल पत्रिका २५ साउन २०८१ ८:५२
काठमाडौँ । भारतको सिक्किम केन्द्रबिन्दु भएर आज बिहान भूकम्प गएको छ । बिहान सिक्किमको सोरेङ आसपास केन्द्रबिन्दु बनाएर ४.४ रेक्टर स्केलको भूकम्प गएको भारतीय राष्ट्रिय भूकम्प विज्ञान केन्द्रले जनाएको छ ।
बिहान स्थानीय समयअनुसार ६ बजेर १२ मिनेट जाँदा गएको भूकम्पको गहिराइ १० किलोमिटर रहेको केन्द्रले जनाएको छ ।
भूकम्पको धक्का सिक्किम, दार्जिलिङसहित पश्चिम बङ्गालका केही जिल्ला र पूर्वी नेपालका इलाम, झापा, मोरङ, धनकुटा, सुनसरी, तेह्रथुम, पाँचथरलगायतका जिल्लामा पनि महसुस गरिएको थियो ।
प्रतिक्रिया
