सिन्धुपाल्चोकको हेलम्बु केन्द्रविन्दु भएर भूकम्प

काठमाडौं । सिन्धुपाल्चोकमा गएराति भूकम्प गएको छ । सिन्धुपाल्चोकको हेलम्बु गाउँपालिका केन्द्रविन्दु भएर राति साढे १ बजे भूकम्प गएको राष्ट्रिय भूकम्प मापन केन्द्रले जनाएको छ । केन्द्रका अनुसार भूकम्प ४.२ म्याग्निच्युडको थियो ।

राति कम्पन हुन थालेपछि स्थानीय बासिन्दा त्रसित भएका थिए । घरबाट बाहिर निस्किएर भेला भएका थिए । भूकम्पबाट कहाँ कति क्षति भयो भन्ने जानकारी आइसकेको छैन । यसबारे बुझ्ने काम भइरहेको प्रहरीले जनाएको छ ।

विभिन्न प्रकोपबाट प्रभावित हुँदै आएको सिन्धुपाल्चोकको हेलम्बु र मेलम्ची बजार २०७८ असार १ गते गेग्रानसहितको बाढी र पहिरोबाट तहसनहस भएका थिए ।


प्रतिक्रिया

Leave a Reply

Your email address will not be published. Required fields are marked *