८ महिनामा साढे ४ लाखभन्दा बढी विदेशतिर
काठमाडौं । रोजगारीका लागि विदेश जान साउनदेखि फागुनसम्म चार लाख ७१ हजार जनाले श्रम स्वीकृति लिएका छन् ।
वैदेशिक रोजगार विभागका अनुसार यो संख्या गत आर्थिक वर्षको आठ महिनामा भन्दा १३ प्रतिशतले कम हो ।
फागुनमा ६५ हजार ६५८ जनाले श्रम स्वीकृति लिएका छन् । फागुनमा स्वीकृति लिनेमध्ये ६ हजार ७ सय ६८ महिला छन् । पुरुषको संख्या ५८ हजार ८९३ छ ।
रोजगारीका लागि सबैभन्दा धेरै नेपाली युनाइटेड अरब इमिरेट्स (यूएई) गएका छन् ।
फागुनमा मात्र १८ हजार ७ सयले यूएईका लागि श्रम स्वीकृति लिएको विभागको तथ्याङ्क छ ।
यस अवधिमा कतारका लागि ९२ हजार ११४ जनाले श्रम स्वीकृति लिएका छन् । साउदी अरब जानका लागि ९१ हजार ९२९ जनाले र मलेसियाका लागि ६४ हजार ९७६ जनाले श्रम स्वीकृति लिएको जनाइएको छ ।
प्रतिक्रिया