सुन तस्करी प्रकरणमा पूर्वउपराष्ट्रपतिका छोरा दीपेश पक्राउ
सरल पत्रिका २ चैत २०८० १९:२३
काठमाडौं । सुन तस्करी प्रकरणमा पूर्वउपराष्ट्रपति नन्दबहादुर पुनका छोरा दीपेश पक्राउ परेका छन् ।
उनलाई प्रहरी प्रधान कार्यालय, नक्सालको टोलीले पक्राउ गरेको हो ।
उनी नेकपा माओवादी केन्द्रको विद्यार्थी संगठन अनेरास्ववियु क्रान्तिकारीका महासचिव हुन् ।
गत साउन २ गते बरामद भएको ६० किलो सुन तस्करी प्रकरणका मुख्य आरोपी दावा छिरिङसँग उनको सम्बन्ध देखिएको थियो ।
तयसपछि उनी छानबिनको दायरामा परेका थिए ।
सुनसम्बन्धी जाँच आयोगले पनि बिहीबार उपप्रधान तथा गृहमन्त्री रवि लामिछानेलाई प्रतिवेदन बुझाएको थियो ।
उक्त प्रतिवेदनमा पुनविरुद्ध अनुसन्धान नगरी सीआईबीले उन्मुक्ति दिएको निष्कर्ष उल्लेख छ ।
यसै प्रकरणमा पुर्पक्षका लागि थुनामा रहेका दावा छिरिङसँग दिपेशको नजिकको सम्बन्ध रहेको पाइएको थियो ।
सीआईबीमा गरेको बयान कागजमा पुनले दावासँग सम्बन्ध रहेको स्वीकारेका पनि सुन कारोबारमा संलग्न नरहेको दाबी गरेका थिए ।
