हात्ती हरायो
ओहो अजिब रैछ यो हात्ती
आजकल चर्छ पनि धेरै यो हात्ती ।
हिजो अस्ति हात्ती हुनेका ठाँटबाट नै बेग्लै थियो
आज हात्तीको पनि मोल घटेछ बरै ।।
हात्ती चर्न त जान्छ निकै
फर्किदा हरिण हुन्छ बरै ।
जंगल पनि अब त मासिँदै छ कठै
शहररुपी कोलाहलमा हात्ती भक्कानिँदैछ कतै ।।
अब हात्ती हरायो
आफ्नै अस्तित्वको खोजीमा ।
चानचुनसरी रहेन इज्जत त्यै हात्तीको
तै पनि भागदौड कायमै छ ।।
ओहो अजिब रैछ यो हात्ती
आजकल चर्छ पनि धेरै यै हात्ती ।
प्रतिक्रिया