सुनसरी । इटहरीमा जारी प्रधानमन्त्री कप महिला राष्ट्रिय टी-२० क्रिकेट प्रतियोगितामा आज शुक्रवार सेमिफाइनलका खेल हुँदैछन् ।

पहिलो सेमिफाइनलमा सुदूरपश्चिम प्रदेश र मधेस प्रदेशबीच प्रतिस्पर्धा भइरहेको छ ।

सुदूरपश्चिम समूह ‘ए’को विजेता र मधेस प्रदेश समूह ‘बी’ को उपविजेता टोली हो ।

दोस्रो सेमिफाइनलमा प्रदेश १ र सशस्त्र प्रहरीको एपीएफ क्लबबीच खेल हुनेछ । खेल दिउँसो १ बजे सुरु हुनेछ । प्रदेश १ समूह ‘बी’ को विजेता र एपीएफ समूह ‘ए’ को उपविजेता हो ।

प्रतियोगितामा आठ टोली सहभागी थिए । तिनलाई दुई समूहमा विभाजन गरिएको थियो । प्रतियोगिताको फाइनल खेल भोलि शनिवार हुनेछ ।

उपाधि विजेताले पाँच लाख र उपविजेता टोलीले तीन लाख रुपैयाँ प्राप्त गर्नेछ ।