भीरबाट खसालेर दुईजनाको हत्या गरेको अभियोगमा १५ जनालाई जन्मकैद
सरल पत्रिका २८ पुष २०७९ १५:२५
काठमाडौं । दुईजना युवकलाई भीरबाट खसालेर हत्या गरेको आरोपमा मुद्दा खेपिरहेका १५ जना युवालाई अदालतले जन्मकैदको फैसला सुनाएको छ ।
बागलुङको बडिगाड गाउँपालिकाका युवालाई जिल्ला अदालत बागलुङले जन्मकैदको फैसला सुनाएको हो ।
जिल्ला न्यायाधीश दिवाकर भट्टको एकल इजलासले अभियोगपछि पुर्पक्षका लागि थुनामा रहेका उनीहरुलाई जेल सजा सुनाएको हो ।
घटनामा संलग्न भनिएका एकजना बालकलाई सुधार गृह पठाइने भएको छ ।
२०७७ चैत १५ गते होली पर्वका दिन भएको मेलामा झडप भएको थियो । त्यस क्रममा भीरबाट खसालेर दुई युवाको हत्या गरेको आरोप उनीहरुमाथि लागेको थियो ।
उक्त घटनामा बागलुङको निसीखोला गाउँपालिका ७ का प्रकाश कुँवर र दीपक परियारको ज्यान गएको थियो ।
प्रतिक्रिया
