काठमाडौँ। नेपाल आयल निगमले पेट्रोलियम पदार्थको मूल्य घटाएको छ। आइतबार एक प्रेस विज्ञप्ति जारी गर्दै निगमले घटेको मूल्य सोमबारदेखि लागू हुने जानकारी दिएको हो।

निगमका अनुसार, डिजेल र मट्टीतेलमा प्रतिलिटर ४ रुपैयाँ, हवाई इन्धन (आन्तरिक) मा प्रतिलिटर १ रुपैयाँ र हवाई इन्धन (अन्तर्राष्ट्रिय) मा प्रतिकिलोलिटर ७ अमेरिकी डलरले मूल्य घटाइएको छ।

यद्यपि, अन्तर्राष्ट्रिय बजारमा मूल्य घटेर आए पनि नेपालमा पेट्रोल र एलपी ग्यासको बिक्री मूल्य भने यथावत् राखिएको निगमले जनाएको छ।