काठमाडौं। साफ यू-२० महिला च्याम्पियनसिपको निर्णायक खेलमा नेपाल पहिलो हाफमा बंगलादेशसँग १-० गोलले पछि परेको छ। खेलको आठौं मिनेटमा सागोरिकाले नेपाली गोलकिपर सुजाता तामाङलाई बिट गर्दै खाली पोस्टमा गोल गरेकी थिइन्।

आजको खेल नेपालका लागि जित्नैपर्ने दबाब छ, किनभने बंगलादेशले बराबरी मात्र खेले पनि उपाधि जित्न पर्याप्त हुनेछ। यसअघि नेपालले बंगलादेशसँगको पहिलो खेलमा ३-२ गोलको हार बेहोरेको थियो। यस कारण बंगलादेश अपराजित रहँदै उपाधि जित्ने बलियो दाबेदार बनेको छ।

हाल अंक तालिकामा बंगलादेश ५ खेलबाट १५ अंक जोडेर शीर्ष स्थानमा छ, जसले सबै पाँच खेल जितेको छ। नेपाल भने ४ जित र १ हारसहित १२ अंकका साथ दोस्रो स्थानमा छ। नेपालले भुटान र श्रीलंकालाई दुई-दुई खेलमा पराजित गरेको थियो भने बंगलादेशसँग पराजित भएको थियो।