विश्वकप २०१८ : ‘जायन्ट किलर’ स्वीट्जरल्याण्डसँग शतर्क छ महारथी ब्राजील


काठमाडौं, ३ असार । । विश्वकप २०१८ अन्तर्गत आइतबारको तेश्रो खेलमा ग्रुप ई मा रहेका फुटबल खेलको महारथी ब्राजील र जायन्ट किलरको उपनाम पाएको स्वीट्जरल्याण्ड पहिलो खेलमा सम्भावित उत्कृष्ट नतिजाको आशा सहित मैदानमा उत्रदैछन् । नेपाली समय अनुसार मध्यराती ११ः४५ मा सुरु हुने यो खेल रसियाको रोस्तोव–न—दन शहरमा आयोजना हुँदैछ ।

५ पटक विश्वकप जितिसकेको ब्राजीलले सन् २०१४ को आफ्नै देशमा आयोजित विश्वकपमा भोगेको पिडादायी हार भुलि यो विश्वकपको लागि नयाँ सुरुवात गर्दैछ । रसियामा आयोजित यस विश्वकप पुग्ने पहिलो दक्षिण अमेरिकी टिम ब्राजीलको साथमा अघिल्लो विश्वकपको अनुभवी विश्वकै उत्कृष्ट खेलाडि नेमार सहित ६ जना खेलाडि छन् ।

फुटबलको उर्बर भुमि ब्राजील स्वीट्जरल्याण्डको क्षमतासँग परिचित भएकोले पनि पहिलो खेलमै पूर्ण क्षमतामा खेल्ने सोच बनाएको छ । नेमार, ग्याब्रियल जेसस, फिलिप कोटिन्हो र विलियम जस्तो खेलाडिले ब्राजीललाई क्षमता, सिप, रचनात्मक गुण तथा फिनिसिङको अभाव नहुने पक्का छ । सन् १९३४ देखि विश्वकपको पहिलो खेलमा नहारेको ब्राजील सो इतिहासलाई अझ लम्ब्याउने धुनमा छ ।

अकोतर्फ सन् २०१० को विश्वकप विजेता स्पेनलाई समुह चरणमा हराउने स्वीट्जरल्याण्ड ठुला टोली हराउन सक्षम छ । सन् २०१६ यता स्वीस टोलीले १ खेल मात्र हारेको छ । विश्वकप छनौटमा प्लेअफ मार्फत् स्थान बनाएपनि यूरोपियन फुटबलमा जमेको यो टोलीले ठुलो टोलीसँग खेल्ने रणनिती आफुसँग भएको बताएको छ ।

विश्वकपअघिको अभ्यास खेलमा स्पेनसँग १–१ को बराबरी खेलेको स्वीस टोलीले जापानलाई २–० ले हराइ आफ्नो क्षमता देखाइसकेको छ ।

स्वीट्जरल्याण्डको कोच भ्लादिमिर पेत्कोभिकले बनाएको योजना अनुसार खेलाडिले खेलेमा स्वीस टोलीले सोचेको नतिजा नआउला भन्न सकिंदैन । २०१४ को विश्वकपको नकआउट चरणमा अर्जेन्टिनासँग खेलमा झिनो अन्तरको पराजय भोगेपनि प्रतिस्पर्धात्मक खेलले विपक्षीलाई दबाबमा राखेको अनुभव आजको खेलमा स्वीस टोलीलाई काम लाग्नेछ ।

सम्भावित सुरुवाती ११

ब्राजील

एलिस्सन, डानिलो, थियगो सिल्भा, मिरान्डा, मार्सेलो, कासेमिरो, पाउलिन्हो, फिलिप कोटिन्हो, विलियम, ग्याब्रियल जेसस, नेमार ।

स्वीट्जरल्याण्ड

सोमर, लिचस्टाइनर, स्केयर, अकान्जी, रोद्रिगेज, बेहरामी, शाका, शकिरी, जेमैली, जुबेर, सेफेरोभिक ।

(एजेन्सीको सहयोगमा)

 

नेपाल र युएईको खेलहरु लाइभ आउने पक्का, विजेताले पुरस्कार राशी पनि पाउने

काठमाडौं, १० माघ । भोली अर्थात् शुक्रबार देखि शुरु हुने नेपाल र युएई बिचको एकदिवसिय अन्तर्राष्ट्रिय र टी–२० सिरीजको सबै खेल प्रत्यक्ष प्रसारण हुने

जरिवानामा परे रोनाल्डो, १ करोड ८८ लाख यूरो तिर्नुपर्ने

म्याड्रिड, १० माघ । करछलीको आरोप लागेका फुटबल स्टार क्रिस्टियानो रोनाल्डो एक करोड ८८ लाख यूरो जरिवाना तिर्न म्याड्रिडस्थित एउटा अदालतमा सहमत भएका

जितका बावजुद नेमारको चोटका कारण पीएसजी तनावमा

एजेन्सी । जारी फ्रेन्च कपमा स्टार्सवर्गमाथी पेरिस–सेन्ट जर्मेन (पीएसजी) ले २–० गोल अन्तरको जित दर्ता गरेको छ । जितका बावजुद स्टार खेलाडी नेमार

आजदेखि एसियन कप फुटबलको क्वाटरफाइनलका खेल सुरु, पहिलो खेलमा भियतनाम र जापान भिड्दै

काठमाडौ,१० माघ । यूएईमा जारी एसियन कप फुटबलमा आजदेखि क्वार्टरफाइनलका खेल सुरु हुँदैछन् । क्वाटरफाइनलको पहिलो खेल नेपाली समय अनुसार साँझ पौने ७ बजे