प्राइम बैंकको ६२ औं शाखा स्याङजाको मिर्मीमा  

स्याङजा,३० वैशाख । प्राइम कमर्सियल बैंक लिमिटेडको ६२ औं शाखा स्याङजाको कालीगण्डकी गाउँपालिका वडा नं ७ स्थित मिर्मीमा आइतबारदेखि सञ्चालनमा आएको छ । 

बैंकका सञ्चालक गजेन्द्र विष्टले एक समारोहका बीच सो शाखाको आईतबार नै उद्घाटन गरेपछि सञ्चालनमा आएको हो। उद्घाटनका अवसरमा सञ्चालक विष्टले जनताको पहिलो रोजाईको बैंक बन्ने लक्ष्यका साथ काम गरिरहेको र निकट भविष्यमै बैंकले देशका विभिन्न ठाउँमा १४ वटा भन्दा बढी शाखा खोलेर बैंकिङ सेवा दिने योजना रहेको जानकारी दिए।

यस क्षेत्रमा वाणिज्य बैंकहरुका शाखा नभएकोले बैंकले स्थानीय जनतालाई सहजरुपमा वित्तीय सेवा उपलब्ध गराउने जानकारी सो अवसरमा दिइयो । बैंकका शाखा प्रवन्धक लोकवहादुर कुँवरका अनुसार गाउँ गाउँमा छरिएर रहेको निक्षेप संकलनका साथै बैंकले व्यापार, कृषि, पशुपालन, निर्माण आदि क्षेत्रमा कर्जा प्रवाह गरी ग्रामीण अर्थतन्त्रमा टेवा पु¥याउनेछ । साथै कालीगण्डकी विद्युत आयोजनामा कार्यरत कर्मचारीहरुको लागि पनि आवश्यक सेवा उपलब्ध गराइनेछ ।

उद्घाटन समारोहमा कालीगण्डकी गाउँपालिकाका प्रमुख खिमबहादुर थापा वडा अध्यक्ष मुक्तिप्रसाद भट्टराई लगायत मिर्मी र आसपासका स्थानीय जनताको ठूलो उपस्थिति थियो ।

अवसरमा दिइएको जानकारी अनुसार निजीक्षेत्रका बैंकमध्येमा उत्कृष्ठ ८ औं स्थानमा रहेको यस बैंकले ७५ अर्ब भन्दा बढी निक्षेप संकलन गरी ६७ अर्बभन्दा बढी कर्जा प्रवाह गरिसकेको छ । बैंकको चुक्ता पुँजी ८ अर्ब रहेको छ । बैंकले स्थापनाकालदेखि नै उत्पादनशील क्षेत्रमा प्राथमिकताका साथ कर्जा प्रवाह गरिरहेको जनाइएको छ । 
 

दशैँमा घर जान टिकट लिनेको घुइँचो

काठमाडौँ, ९ असोज । नेपालीको महान् चाड दशैँमा घर जानका लागि टिकट लिनेको घुइँचो लागेको छ । दशैँका लागि आजदेखि अग्रिम टिकट बुकिङ खुला भएपछि गोँगबुस्थित

अब विनाधितो सात प्रकारको सहुलियत कर्जा पाइने

काठमाडौं । सरकारले हरेक जात, जाति र समुदायको व्यावसायिकता प्रवद्र्धनका लागि सहुलियत व्याजदरका साथै विनाधितो कर्जा उपलब्ध गराउने भएको छ । सरकारले

कुकुरलाई दिन विदेशबाट नेपाली छुर्पीको माग

युरोप तथा अमेरिका र क्यानडामा 'डग च्यु'का रूपमा निर्यात हुने छुर्पीको माग बढेपछि नेपालको पूर्वी पहाडी क्षेत्रमा छुर्पीको व्यावसायिक उत्पादन बढेको

 सिटी एक्सप्रेस र सिगे मनी ट्रान्सफरबीच सहकार्य सम्झौता

काठमाडौं । अमेरिकाको १५,००० भन्दा बढि एजेन्ट (आउटलेट) र बिश्व भरी १३० भन्दा बढि देशहरुमा आफ्नै छुट्टै सञ्जाल भएको सिगे मनी ट्रान्सफर र सिटी एक्सप्रेस