शान्ता र मनिताको अनौठो काम

काठमाडौं । सांसद शान्ता चौधरी र कांग्रेस नेतृ मनिता घिमिरेले राजनीति बाहेक एउटा अनौठो काम सुरु गरेका छन् । उनीहरुले अरु कुनै आश्चर्यको काम थालेका होईनन्,आफ्नो नियमित खर्चका लागि भरपर्दो आम्दानी हुने र अरुको स्वास्थ्यमा पनि उपकार हुने परोपकारी काम थालेका छन्। 
शान्ता र मनिताले थालेको नयाँ काम हो – प्राकृतिक साबुनको उत्पादन, त्यो पनि कारखाना स्थापना गरेर होइन आफ्नै निवासमा।

यसको रहस्य खोल्दै शान्ताले सुनाईन्– आज आफ्नै बारे केही कुरा खोल्न मन लाग्यो । म घरमै शतप्रतिशत प्राकृतिक र शुद्ध क्रिम साबुन बनाउँथें । इष्टमित्रलाई अलिअलि बेच्थें पनि । थोरै भए पनि आर्थिक राहत हुने गरेको थियो ।

भाउजू मनिता घिमिरे पनि प्राकृतिक साबुन बनाउनुहुँदो रहेछ । अनि अहिले मनिता भाउजू र म मिलेर अझ उच्चगुणस्तर र प्राकृतिक क्रिम साबुन बनाउन थाल्यौं । साथीभाई इष्टमित्रलाई अलिअलि बेच्न पनि थाल्यौं ।

उनीहरुको हौसला बढाउने कारण यस्तो थियो – हामीले बनाएको क्रिम साबुन लगाएर गोरोपना बढ्यो, दाग, चायाँ पोतो घट्यो भन्ने धेरै हुनुहुन्छ । उहाँहरुले प्रशंसा गर्दा घरभित्र बसेर पनि राम्रो काम गरिएछ भन्ने लाग्छ ।

अहिले कस्तो छ त प्रगति शान्ता भन्छिन् – अहिले निम, गाँजर र कोइलाको पनि साबुन बनाउन थालेका छौं । प्रयोग गर्ने इष्टमित्रहरुले अति उच्च गुणस्तरीय साबुन भन्नुभएको छ । धेरैजनाले घरेलु उद्योग दर्ता गरेर साबुन बनाउन सुझाव दिनुभएको छ । के गरौं भनेर मनिता भाउजूसँग सल्लाह गर्दैछु र सोंच्दैछु ।

मेहनत गरे आम्दानीको विकल्प घर बसिबसी पनि जुटाउन सकिन्छ भन्ने शान्ता र मनिताको यो काम अरु सबैका लागि पनि उदाहरण हुन सक्छ। 
 

राष्ट्रकविलाई राष्ट्रपतिबाट जन्मदिनको शुभकामना

काठमाडौं । राष्ट्रपति विद्यादेवी भण्डारीले १०० वर्ष प्रवेश गर्नुभएका राष्ट्रकवि माधवप्रसाद घिमिरेलाई लैनचौरस्थित घिमिरे निवासमा आज बिहान पुगेर

 अश्लिल सामग्रीको प्रकाशन/प्रसारणमा रोक

काठमाडौं ।  सरकारले यौनजन्य अश्लिल सामग्रीको सहज पहुँचले नेपाली समाजको मूल्यमान्यता र सामाजिक सद्भावमा खलल पुगेको भन्दै त्यस्ता सामग्रीको

घरायसी लिखतका भरमा सरकारी जग्गा किनबेच

२०३९ सालमा झापाबाट इलाम–फिदिम–जोरपोखरीहुँदै ताप्लेजुङ जाने मेची राजमार्ग विस्तारको काम अघि बढ्यो । मोटरबाटो खुलेपछि धेरैले राजमार्ग

क्षमता  एघार हजारको, कैदीबन्दी बीस हजार

काठमाडौं । नेपालमा कारागारको क्षमताभन्दा झण्डै दुई गुणा बढी कैदीबन्दी रहेका छन् ।  विभिन्न अपराधमा मुलुकभरका ७२ जिल्लाका ७४ कारागारमा