क्रिकेटको गाँठो फुक्यो, आईसीसीको निलम्बन हट्ने

 काठमाडौं। बिहिबार सम्पन्न भएको नेपाल क्रिकेट संघ (क्यान) को विशेष साधारण सभाले अन्तर्राष्ट्रिय क्रिकेट परिषद (आईसीसी) बाट गठित देशभरिका खेलसम्बद्ध व्यक्तिहरुको सल्लाहकार समुहद्वारा सिफारिस गरेको प्रस्तावहरुलाई हुबहु पास गरेपछि लामो समय देखि समस्याको रुपमा रहेको नेपाली क्रिकेटको गाँठो फुकेको छ ।


विशेष साधारण सभा बैशाख ६ र ७ को लागि तोकिएको भएपनि प्रस्तावित विधान पास भएसँगै सकिएको हो । आईसीसीले यस प्रस्तावलाई हुबहु पास गर्नुपर्ने प्रमुख शर्त भएको र यसो भएमा नेपाललाई लागि आएको निलम्बन फुकुवा हुने जनाएको थियो । क्यानको यो कदमपछि अब भारतमा बस्ने आईसीसीको बोर्ड बैठकमा नेपालको विषयमा छलफल हुने छ । त्यसैगरी आगामी जुलाईमा बस्ने आईसीसीको वार्षिक साधारण सभामा नेपालको निलम्बनको विषयमा छलफल गरी निर्णय गर्नेछ ।

यसअघि आईसीसीले नेपाल क्रिकेट संघ समक्ष विधान संसोधनको लागि शर्त राखेको थियो । विभिन्न पटकमा धेरै वार्ताहरु भएपनि क्यान सम्बद्ध अधिकारीहरुले विधानमा आफु अनुकुलको प्रावधान राख्न खोजेपछि नेपाल निलम्बनकै अवस्थामा रहेको हो ।  

आईसीसीको प्रतिनिधीको रोहबरमा बसेको यस सभाले आगामी निर्वाचनको लागि अनुगमन समिती बनाउने निर्णय पनि गरेको छ । विगतमा विवाद भएको विषय १७ केन्द्रिय सदस्यले निर्वाचनमा मताधिकार पाउने नपाउने भन्ने विषय पनि आईसीसीको चाहना अनुरुप भएको छ । अब ति केन्द्रिय सदस्यहरुले आगामी निर्वाचनमा मताधिकार पाउने छैनन् ।

आईसीसीको निलम्बनले नेपाली क्रिकेट ठुलो समस्यामा परेको थियो । क्यानको बैंक खाता रोक्का भएको तथा घरेलु प्रतियोगिता नहुने, खेलाडीको छनौट जस्ता कुनै पनि कुरा क्यानको सहभागिता बिना भएरहेको थियो । यस्तो अवस्थामा एकदिवसिय मान्यता पाएको नेपाली क्रिकेटले कुनै गति लिन सकेको थिएन । क्यानको कुन पक्ष आधिकारीक भन्ने मुद्दा पनि अदालतमा विचाराधीन छ , नेपाली क्रिकेट सम्बद्ध व्यक्तिहरु त्यसमा पनि अब सबै पक्ष मिलेर समाधानको बाटो निकाल्नु पर्ने देख्छन् ।

 

नेपाली फुटबललाई विकास गर्न स्पेनी क्लबको सहयोग

  काठमाडौँ, ४ कात्तिक । स्पेनको फुटबल क्लब एथ्लेटीको म्याड्रिडले नेपालको फुटबल विकासका लागि सहयोग गर्ने भएको छ । विश्वभर अन्तर्राष्ट्रिय सामाजिक

मेसीले ६ खेल खेल्न नसक्ने

काठमाडौं, ४ कात्तिक । बार्सिलोनाका क्याप्टन लियोनल मेसी घाइते भएका छन् । उनी अब तीन हप्ता खेलमैदान बाहिर रहने छन् । हिजो राती सेभिल्लासँग भएको खेलमा

पूर्व क्रिकेटर जयासूर्यालाई भ्रष्टाचारको आरोप

  सरल संवाददाता काठमाडौं, २९ असोज । श्रीलंकाका पूर्व क्रिकेटर सनथ जयासूर्यामाथी आईसीसीको भष्टाचार विरुद्धको दुईवटा नियम मिचेको आरोप लागेको छ

 अफगानी क्रिकेट लिगमा सन्दीपको शानदार डेब्यू

काठमाडौं । अफगानिस्तान प्रिमियर लिग (एपिएल) मा नेपाली स्टार लेग स्पीनर सन्दीप लामिछानेले शानदार डेब्यू गरेका छन् ।  अफगानी फ्रान्चाइज टोली