डिपिएलः महेन्द्रनगरलाई हराउँदै काठमाडौं फाइनलमा

काठमाडौं,२९ चैत । धनगढी प्रिमियर लिग (डिपिएल) अन्तर्गतको क्वालिफायर २ मा महेन्द्रनगर युनाइटेडलाई ५ विकेटले हराउँदै काठमाडौं गोल्डेनले फाइनलमा स्थान पक्का गरेको छ । बुधबारको खेल वर्षाले बिथोलेपछि रिजर्भ दिन बिहिबार खेलिएको खेलमा काठमाडौं १० बल बाँकि खेल जिती धनगढी चौराहासँग फाइनल भिड्ने पक्का गरेको हो ।

टस जितेर पहिले फिल्डीङ गर्ने निर्णय गरेको काठमाडौंका सन्नी पटेलले सुरुवाती ओभरहरुमै लगातार विकेट लिइ महेन्द्रनगरलाई पूर्ण दवाबमा राखेका थिए । १८ बलमै ६ विकेट झारीसकेका उनले अन्ततः एक मेडन सहित १० रन दिइ ६ विकेट लिने किर्तिमानी आँकडा कायम गरे । 

यस्तो दवाबपूर्ण अवस्थामा ब्याटिङ गरेका महेन्द्रनगरका आरिफ शेख र पुनित मेहेराले ८५ रनको उत्कृष्ट साझेदारी गर्दै टोलीलाई ९ विकेट गुमाएर निर्धारित २० ओभरमा १४२ रनको सम्मान जनक योगफल सम्म पुग्ने मार्ग प्रशस्त गरे । पुनितले ४ छक्का र ४ चौका सहित ४२ बलमा सर्वाधिक ५८ रन बनाए भने १ छक्का र ४ चौका सहित आरिफले ३९ बलमा ४३ रन बनाए । त्यस्तै नवौं नम्बरमा ब्याटिङ गरेका करन के.सी.ले २ छक्का सहित १२ बलमा २१ रन बनाए । काठमाडौंका लागि सन्नी बाहेक सुबोध भाटी र पुष्प थापाले १÷१ विकेट लिए ।

धनगढिसँग क्वालिफायर १ मा व्योहोरेको हारको चोट भुलाउँदै काठमाडौंले जवाफी ब्याटिङको क्रममा सुरु देखिनै आक्रामक देखिएको थियो । काठमाडौंका ओपनर सुबोध भाटीले महेन्द्रनगरका बलर अभिनाश कर्णको पहिलो ओभरमै छक्का चौका वर्षाउँदै २३ रन जोडे । भुवन कार्कीको बलमा आउट हुनुअघि सुबोधले ५ छक्का र ४ चौका सहित १८ बलमा ५२ रनको योगदान दिए । 

सुबोधको उक्त इनिङको मद्दतले काठमाडौंले बाँकि ओभरहरु बिना दवाव खेली १८.२ ओभरमै लक्ष्य भेट्टायो । काठमाडौंका लागि सुबोधका अतिरिक्त अमित श्रेष्ठले ५ चौका सहित १९ बलमा २६, कप्तान ज्ञानेन्द्र मल्ले १ चौका र १ छक्का सहित ३१ बलमा २५ रन बनाए । त्यस्तै भुपेन्द्र थापा र पुष्प थापाले क्रमशः १५ र ९ रन बनाए । उत्कृष्ट बलिङ गरि जितको बाटो खोलेका सन्नी पटेलले चौका प्रहार गर्दै काठमाडौंलाई विजयी बनाएका    थिए । 

महेन्द्रनगरको लागि पुनित बिष्ट, रोवीन क्षेत्री र भुवन कार्कीले समान १÷१ विकेट लिए । ६ विकेट लिएका र विजयी रन प्रहार गरेका काठमाडौंका सन्नी पटेल खेलको प्लेयर अफ द म्याच चुनिए ।

काठमाडौं गोल्डेन र धनगढि चौराहाबीच शुक्रबार १२ः३० मा फाइनल खेल हुनेछ । 
 

सन्दीपको व्यवसायिक क्रिकेटको यात्रा अघि बढ्दै, टि–१० लिग पनि खेल्ने

काठमाडौं, ९ असोज । नेपाली स्टार स्पीनर सन्दीप लामिछानेले युएईमा आयोजना हुने टि–१० लिगको दोश्रो संस्करण खेल्ने भएका छन् । सोमबार भएको ड्राफ्टको

६ क्लबमा राष्ट्रिय खेलाडि, विमलले थ्रिस्टार र च्यासल मध्ये एक छान्ने

काठमाडौँ, ८ असोज । यही असोज १३ गतेदेखि शुरु हुने शहीद स्मारक ‘ए’ डिभिजन लिगमा राष्ट्रिय टोलीका मुख्य खेलाडीले ६ क्लबबाट प्रतिस्पर्धा गर्ने भएका

नेपालले बङ्गबन्धु कप खेल्ने पक्का, पहिलो खेल ताजाकिस्तानसँग

काठमाडौँ, ८ असोज । यही असोज १५ देखि २६ गतेसम्म बङ्गलादेशमा हुने बङ्गबन्धु गोल्डकप फुटबल प्रतियोगितामा नेपालले पहिलो खेल ताजाकिस्तानसँग खेल्ने भएको छ

 म्यान्माले फिलिपिन्सलाई हराउँदै उपाधि जित्यो

काठमाडौं । एएफसी सोह्र वर्षमुनि (यू–१६) महिला च्याम्पियनसिपअन्तर्गत समूह ‘ई’ को उपाधि म्यान्माले हात पारेको छ ।  हल्चोकस्थित सशस्त्र प्रहरी