प्रचण्डले सरकार छाड्न सक्छन्

क्रमभङ्गताको नाउँमा प्रचण्डले कुनै पनि दिन सरकार छोड्ने निर्णय गर्न सक्दछन् ! त्यसकोलागि उनलाई वाध्य पनि पारिन सक्दछ ! 

पाकिस्तानी प्रधानमन्त्रीको नेपाल भ्रमणबारे धेरै मित्रहरूले मेरो विचार जान्न फोन गरिरहनु भएकोले आफ्नो विचार बुँदागत रूपमा यसरी राख्दछु !

१. नेपालको सन्दर्भमा यति संवेदनशील भ्रमण अपर्झट निर्णयबाट भएको हुन सक्दैन ।

बधाई दिने उद्देश्य मात्रैले यति उच्चस्तरीय भ्रमण भएको नहोला – पाकिस्तानका विदेशमन्त्री वा अन्य कुनै उच्चाधिकारी बधाई सन्देश लिएर आउन सक्थे !

सार्क सम्मेलनको विषय पनि नहोला, किन कि पाकिस्तान र सार्कको सवालमा भारतको मत परिवर्तन गर्ने राजनीतिक सामर्थ्य र कूटनीतिक कौशल नेपालसँग छैन ! 

२. यो भ्रमणकोलागि ओली सरकार र पाकिस्तानी सरकारले लामो गृहकार्य गरेको हुनुपर्दछ ! यसमा चीनियाँ पक्ष पनि जोडिएको हुनुपर्दछ !
ओलीजीका केही भारतीय मित्रहरूसँग पनि परामर्श नभई यो भ्रमण भएको नहोला ! नेपाली राजनीतिका केही पक्षहरू र भारत र चीनलाई केही स्पष्ट सङ्केत र सन्देश दिने उद्देश्य पनि ओली सरकारले राखेको देखिन्छ !

३. ओलीको यो निर्णयले स्वतन्त्र परराष्ट्र नीतिको संचालनमा वीपी कोइराला र राजा महेन्द्रको स्मरण गराउँछ ! तर वीपी र राजा महेन्द्रको पालाको जस्तो बलियो राज्य अहिले नेपालसँग छैन ! राजनीतिकरूपमा ओली त्यति शक्तिशाली छैनन् ! क्रमभङ्गताको नाउँमा प्रचण्डले कुनै पनि दिन सरकार छोड्ने निर्णय गर्न सक्दछन् ! त्यसकोलागि उनलाई वाध्य पनि पारिन सक्दछ !  वीपी र राजा महेन्द्रकै जस्तै सूक्ष्म र गहन कूटनीतिक कौशल पनि सम्भवत छैन कि ? 

त्यो प्रदर्शन होस् – शुभकामना !

४. यो निजी भ्रमण थिएन , टुँडिखेलमा गार्ड अफ अनर दिने राज्य अभ्यासको थालनीकै लागि पाकिस्तानी प्रधानमन्त्रीलाई चयन गरिएको छ – नेपालको कूटनीतिक इतिहासमा यो विशिष्ट घटना हो । तर नेपाल आउने विशिष्ट पाहुनाहरूले विपक्षी दलका नेताहरूलाई भेट्ने स्थापित अभ्यास थियो तर यो भ्रमणमा प्रमुख प्रतिपक्षी दल मात्र नभएर वर्तमान नेपालमा सबैभन्दा लामो समयसम्म सरकार प्रमुख रहेका काङ्ग्रेस सभापति शेरबहादुर देउवासँगको भेटघाटबारे पढिएन–सुनिएन ! 

त्यो सार्वजनिक भएन ! 

त्यस्तो भेटघाट नभएको भए त्यो अर्को जटील पक्ष हो ! यसले मुलुकको परराष्ट्र नीतिमा प्रमुख प्रतिपक्षी दलले स्वामित्व लिने वातावरण बन्दैन र त्यसले उत्पन्न गर्ने दवाव र तनाव ओली सरकार र मुलुकलाई सजिलो हुन्न !

(भ्रमणबारे मननीय यो टिपोट केशब प्रसाद भट्टराईको फेसबूकवालबाट) 
 

कांग्रेको विधान संशोधनमा तल्लो तहको पनि सुझाव लिईंदै (सुझाव लिन जाने नेताको नामावली)

 ललितपुर । नेपाली कांग्रेस केन्द्रीय विधान संशोधन समितिले तयार पारेको प्रारम्भिक मस्यौदा सुझाव सङ्कलन गर्नका लागि सातै प्रदेशमा लगिने भएको छ

जोशी विरुध्द महाअभियोग: \'गणितीय आधारमा न्यायालय तर्साउने नियत\'

काठमाडौं ।  संसदीय सुनुवाइ समितिबाट प्रधानन्यायाधीशका लागि अस्वीकृत भएपछि न्यायाधीशका रूपमा सर्वोच्च अदालतमा काम गरिरहेका दीपकराज जोशीविरुद्ध

छलफल नै नगरी कानून ल्याउँदा मुलुक समस्याः महन्थ ठाकुर

पर्सा, ५ असोज । राजपा अध्यक्ष मण्डलका संयोजक महन्थ ठाकुरले संसद्मा आवश्यक छलफल र राजनीतिक दलसँग परामर्श नै नगरी सरकारले कानून ल्याएका कारण मुलुकभरी

 नयाँ अख्तियार प्रमुखको वाचा-\'भ्रष्टाचार विरुध्द प्रभावकारी परिणाम निकाल्छु\'

काठमाडौं । संसदीय सुनुवाइ समितिले अख्तियार दुरुपयोग अनुसन्धान आयोगका प्रमुख आयुक्तमा नवीनकुमार घिमिरेलाई सर्वसम्मतिले अनुमोदन गरेको छ