क्रिकेटको अन्तर्राष्ट्रिय टोली शनिबार आउँदै,कुरा नमिले क्यान खारेज गरिने

काठमाडौं,१२ माघ । नेपाली क्रिकेटको विवाद समाधान गर्ने उदेश्यले अन्तर्राष्ट्रिय क्रिकेट परिषद (आईसीसी)को टोली भोलि शनिबार नेपाल    आउँदैछ । आईसीसीका कार्यवाहक प्रमुख ईमरान ख्वाजाको नेतृत्वमा आउन लागेको टोलीले आईतबार नेपालको सल्लाहकार समितिसँग गम्भीर छलफल गर्ने भएको छ ।

विगत लामो समयदेखि नेपाल क्रिकेट संघ क्यान स्वार्थ समूहहरुको तानातानले आन्तरिक द्वन्दमा परेर हाल निलम्बनमा छ । यही कारण प्रचूर संभावना भएर पनि क्रिकेट खेल अभिभावककविहीन अवस्थामा छ। केही समययता संघसंस्था र नीजि क्षेत्रको पहलमा सम्पन्न भएका प्रतियोगिताहरुले पनि नेपालमा क्रिकेटको भविष्य निकै आशलाग्दो रहेको प्रष्ट पारेको छ। तर क्यानलाई दुहुनो गाई बनाएर कब्जा गर्न चाहने समूहको निहित स्वार्थले नेपाली क्रिकेटले गतिलो अभिभावक नापएको खेलाडी,प्रशिक्षक र एम्पायरहरुले गुनासो गर्दै आएका छन्।

यस्तो समयमा हुन लागेको आईसीसी टोलीको नेपाल भ्रमणले विवाद समाधानमा निर्णायक भूमिका निर्वाह गर्ने आशा जगाएको देखिन्छ ।
केही समयदेखि नेपालभित्रैबाट विवाद समाधानको पहल गर्न आईसीसीले ८ सदस्यीय सल्लाहकार समिति बनाए पनि उक्त समितिले स्वार्थ समूहको दवावकै कारण प्रभावकारी काम गर्न सकेको छैन । समितिकै अग्रसरतामा क्यानको नयाँ विधान मस्यौदा गरिए पनि एउटा पक्षले उक्त विधानमा मनोमानी संशोधन गरेपछि आईसीसीले यसलाई मानेको छैन ।

आईसीसीले निलम्बित क्यान पुनर्गठन गर्न चित्तबुझ्दो कारण र आधार पेश गर्न दिएको मध्य डिसेम्बरसम्मको समय कुनै काम नगरी सकिएको छ । फेब्रुअरीमा आईसीसीको बोर्ड बैठक बस्ने भएकोले विवाद समाधानको अन्तिम प्रयास गर्न टोली काठमाडौं आउन लागेको थाहा भएको छ ।

यो भ्रमणमा समेत सहमति नजुटे फेब्रुअरीको बैठकबाट क्यानको सदस्यता नै खारेज गर्नेसम्मको विकल्प आईसीसी टोलीले खुला राखेको चेतावनी यसअघि नै दिईसकेको छ ।  
 

सन्दीप बने बिबिएलमा छानिने पहिलो एसोसियट्स क्रिकेटर, बंगलादेशी लिगको पुरा सिजन खेल्ने

काठमाडौं, ५ कार्तिक । नेपाली स्टार लेग स्पीनर सन्दीप लामिछानेको व्यावासायिक क्रिकेट यात्राको निरन्तरता अब अष्ट्रेलीया र बंगलादेशमा पनि जारी हुने

एक सिङ्गे गैंडा जोगाउन फुटबल

नवलपरासी, ५ कात्तिक । एक सिङ्गे गैँडाको संरक्षण गर्न सचेतना जगाउनका लागि पूर्वी नवलपरासीमा कात्तिक १५ देखि २९ गतेसम्म राइनो संरक्षण गोल्डकप फुटबल

नेपाली फुटबललाई विकास गर्न स्पेनी क्लबको सहयोग

  काठमाडौँ, ४ कात्तिक । स्पेनको फुटबल क्लब एथ्लेटीको म्याड्रिडले नेपालको फुटबल विकासका लागि सहयोग गर्ने भएको छ । विश्वभर अन्तर्राष्ट्रिय सामाजिक

मेसीले ६ खेल खेल्न नसक्ने

काठमाडौं, ४ कात्तिक । बार्सिलोनाका क्याप्टन लियोनल मेसी घाइते भएका छन् । उनी अब तीन हप्ता खेलमैदान बाहिर रहने छन् । हिजो राती सेभिल्लासँग भएको खेलमा