आर्थिक वृद्धिमा नेपाल विश्वको तेस्रो

काठमाडौं, ३० जेठ । नेपाल यो वर्ष विश्वमा तेस्रो तीव्र आर्थिक वृद्धि हासिल गर्ने मुलुकको सूचीमा परेको छ । तीव्र आर्थिक वृद्धि गरिरहेका छिमेकी भारत र चीनलाई पछि पार्दै नेपाल अग्रस्थानमा आएको छ । सन् २०१७ मा नेपालको आर्थिक वृद्धि साढे ७ प्रतिशत हुने विश्व आर्थिक मञ्चले जानकारी दिएको छ । मञ्चले सोमबार एकसाथ सार्वजनिक गरेको विश्वको आर्थिक प्रतिवेदनमा नेपाललाई तीव्र आर्थिक वृद्धि हासिल गर्ने मुलुक भनेको छ । अनुकुल मौसमले कृषि उत्पादनमा सुधार, पुनर्निर्माण गतिविधि बढेको र भारतसँग सहज व्यापार र आपूर्तिमा भएको सुधारले सन् २०१७ मा नेपालको आर्थिक वृद्धि ७।५ प्रतिशत हुने प्रक्षेपण गरेको हो । यो वृद्धि भारत र चीनको भन्दा बढी रहेको मञ्चले जानकारी दिएको छ ।

चालु आर्थिक वर्षमा नेपालले ६।९ प्रतिशत आर्थिक वृद्धि हुने अनुमान गरेको छ । यस्तै आगामी आवमा ७।२ प्रतिशत आर्थिक वृद्धिको लक्ष्य निर्धारण गरिएको छ ।
सबैभन्दा तीव्र आर्थिक वृद्धि गर्नेमा अफ्रिकाको इथियोपिया भएको छ । यसवर्ष इथियोपियाको आर्थिक वृद्धि ८।३ प्रतिशत हुने प्रक्षेपण गरिएको छ । एसियाको उज्वेकिस्तानले ७।६ प्रतिशत हासिल गरी दोस्रो र छिमेकी भारतको ७।२ प्रतिशत आर्थिक वृद्धि भई चौथो स्थानमा रहने अनुमान मञ्चको छ । यस्तै छिमेकी चीन ६।५ प्रतिशतका साथ १६ औं स्थानमा हुने मञ्चको प्रक्षेपण छ ।

चीनमा आर्थिक मन्दी र संक्रमणका कारण १६ औं स्थानमा रहेको छ । निकासी कमजोर भएका कारण आर्थिक वृद्धिमा कमी आउने अनुमान मञ्चको छ । चीनले आर्थिक वृद्धि बढाउन उपभोग र निकासी वृद्धि गर्नुपर्ने मञ्चले सुझाएको छ । यस्तै अफ्रिकी मुलुक तान्जेनिया पाँचौ स्थानमा रहेको छ । यसवर्ष तान्जेनियाको आर्थिक वृद्धि ७।२ प्रतिशत हुने अनुमान गरिएको छ । डिओटी ७, लाओसको ७, कम्बोडियाको ६।९, म्यानमार र फिलिपिन्सको ६।९ प्रतिशत वृद्धि हुने अनुमान मञ्चको छ ।

यो वर्ष विश्वको औसत आर्थिक वृद्धि २।७ प्रतिशत हुने प्रक्षेपण गरिएको छ । यस्तै विकसित मुलुकको आर्थिक वृद्धि १।९ प्रतिशत हुने अनुमान गरिएको छ । यस्तै उदयीमान अर्थतन्त्र ४।१ प्रतिशत हुने देखिएको छ । यो विकशित मुलुकको भन्दा बढी हो । मञ्चले अमेरिकी राष्ट्रपति डोनाल्ड ट्रम्पको व्यापार अवरोध नीतिले गर्दा विश्वमा व्यापारमा असर गर्नुका साथै लगानी घट्ने चेतावनी दिएको छ । विश्वमा सरकारको ऋण भार कुल ग्राहस्र्थ उत्पादनको ४७ प्रतिशत रहेको मञ्चले उल्लेख गरेको छ । सरकारी ऋणको अवस्था डरलाग्दो रहेको देखाएको छ । आजको नयाँ पत्रिकाबाट ।

भन्सार पुनःस्थापना नहुँदा तिब्बतको व्यापार ठप्प

दार्चुला, ३ कात्तिक । हामी सरकारलाई राजस्व तिर्न तयार छौँ, तर सरकार राजस्व लिन तयार छैन्, यो भनाइ हो दार्चुला उद्योग वाणिज्य संघका अध्यक्ष मंगलसिह

मोदीखोलाको उत्पादन पूर्ण क्षमतामा

पर्वत, १ कात्तिक । लामो समयदेखि बिग्रिएका यन्त्र मर्मतपछि मोदी गाउँपालिकामा सञ्चालित मोदीखोला जलविद्युत् आयोजनाबाट क्षमतानुसारको विद्युत् उत्पादन

 भन्सार छल्न खोज्ने ट्रक सामानसहित नियन्त्रणमा

बुटवल । सशस्त्र प्रहरी बल नेपाल, राजश्व भन्सार सुरक्षा नम्बर ३८ गुल्म रुपन्देहीले आज भन्सार छलेर नेपाल भित्र्याएको अवैध सामानसहित ढुवानीमा प्रयोग

केरा खेतीले यसरी किसानको ध्यान खिच्यो

भीमदत्तनगर । झण्डै अढाई दशकअघि एक कठ्ठा जमीन भाडामा लिएर केरा खेती शुरु गरेका कञ्चनपुर भीमदत्तनगरपालिका–१० तिल्केनीका पूर्ण साउँद अहिले जिल्लामै