तीन सय जोडी गोसाइँकुण्डमा

रसुवा । पुत्रदा एकादशी पर्वका अवसरमा आज हजारौं भक्तजनले गोसाइँकुण्डमा डुबुल्की लगाई भगवान् शिवको पूजाआजा गरेका छन् ।

तीर्थ गएका हजारौंँ यात्रुमध्ये २१ औँ शताब्दीमा पनि ‘पुत्र’ प्राप्तिको वरदान माग्न करीब तीनसयको हाराहारीमा श्रीमान्/श्रीमतीको जोडीले गोसाइँकुण्डमा स्नानपश्चात् पुत्र पैदा होस् भनी कामनाका साथ भगवान् शिवको विशेष पूजा आराधना गरेको कुण्डको छेउमा होटल सञ्चालन गर्ने व्यवसायीले बताए ।

छोराको इच्छा राख्ने दम्पतीले पुत्रदा एकादशीका दिन गोसाइँकुण्डमा पुगी आदर्शपुकार गरेपश्चात् पछिल्ला दिनमा जन्मने सन्तान पुत्रको रूपमा पैदा हुने मान्यता रहिआएको र धेरैजसो गोसाइँकुण्ड पुगेका भक्तजनले  भगवान्को वरदानले ‘मेरो इच्छा पूरा भयो’ भन्ने गाउँघरमा जवाफ पाएको अनुभव ज्येष्ठ नागरिकले बताएका छन् ।
 
धार्मिक मान्यताअनुरूप ३० गते जनैपूर्णिमाका दिन संसारभर रहेका सम्पूर्ण देवदेवता भगवान् शिवलाई भेट्न पवित्र तीर्थस्थल गोसाइँकुण्डमा पुग्ने र त्यो दिन कुण्डमा फूल अक्षता चढाउँदा सबै देवताको दर्शन मिल्ने विश्वास रहिआएको छ । आ–आफ्नो परम्पराअनुसार लगाइने जनै तथा डोरो बन्धन पूर्णिमाको दिन कुण्डमा चोपलेपछि कुनै मन्त्र उचारण गर्न नपर्ने मान्यतासमेत रहिआएको छ ।
  
जनैपूर्णिमाको दिन पवित्र तीर्थको किनारमा तिथिश्राद्व गर्नाले दिवङ्गत पितृले आत्मसम्मान पाउने र बाटोमा अधोगति भएर बसेका सबै पितृ सरासर स्वर्गलोकमा पुग्ने मान्यता रहिआएको पुरोहित टङ्कप्रसाद ढकालले बताए।

    आजबाट शुरू भई ३० गतेसम्म चल्ने विशेष पर्वमा १५ हजार भक्तजन गोसाइँकुण्ड पुग्ने अनुमान गरिएको बताउँदै गोसाइँकुण्डक्षेत्र विकास समितिका अध्यक्ष सञ्जीव डिएमले आजको पुत्रदा एकादशी पर्वमा स्नान गर्ने हजारौँ यात्रुमध्ये बढीमात्रामा श्रीमान्श्रीमतीको जोडी पाइएको बताए।
 
सरकारी मान्यताअनुरूप धुञ्चेबाट गोसाइँकुण्ड पुग्न सात कोस उकालो पैदलमार्ग रहेको छ । गोसाइँकुण्ड जान काठमाडौँदेखि धुञ्चेसम्म भने मोटर सुविधा भएका कारण अहिले काठमाडाँैबाट यात्रा शुरु गरेपछि एकै दिनमा देउराली क्षेत्र क्षेत्रमा पुग्न सकिने यात्रुले बताएका छन् ।
 
गोसाइँकुण्डमा स्नान र पूजाआराधना गरेपछि शरीरको रोगव्याधी हट्ने, अञ्जानमा गरेका सबै पाप मोक्ष हुने, नयाँ जोश र नयाँ जागर बढ्ने मान्यता रहिआएको छ । राससका अनुसार, विगतको तुलनामा यस वर्ष यात्रुलाई आकस्मिक उपचारका लागि चिकित्सकको सङ्ख्या वृद्वि हुनुका साथै लेक लागेका यात्रुलाई उद्धारको विविध थप व्यवस्था भएकोले निर्धक्कसाथ गोसाइँकुण्ड यात्रा गर्न सबै यात्रुमा अनुरोध गरिएको समितिले जनाएको छ । 

 रवि लामिछाने प्रकरणः कलाकारहरुको माग निष्पक्ष छानविन 

काठमाडौं, ७ भदौ । चर्चित कलाकारहरुले प्रहरी हिरासतमा रहेका टिभी प्रस्तोता रवि लामिछाने पक्राउ प्रकरणमा निश्पक्ष र स्वतन्त्र छानबिनको माग गरेका छन्

गैरसैनिकलाई सैनिक ‘कम्ब्याट’ पोशाक निषेध

  डोटी, ७ भदौ । जिल्ला प्रशासन कार्यालय डोटीले जिल्लाका गैरसैनिक व्यक्तिलाई सैनिकले लगाउने खालका पोशाक ‘कम्ब्याट ड्रेस’ लगाउन निषेध गरेको छ ।

रैथाने प्रविधि लोप हुँदै : यस्ता छन् यसको महत्व

गलेश्वर, ७ भदौ । नेपाली ग्रामीण क्षेत्रमा प्राचीनकालदेखि नै अन्न कुटानी पिसानीका लागि प्रयोग हुँदै आएका परम्परागत रैथाने प्रविधि हिजोआज लोप हुँदै

दिक्तेलबजार व्यवस्थित गर्न पहल

  खोटाङ, ७ भदौ । दिक्तेल रुपाकोट मझुवागढी नगरपालिकाले नगर क्षेत्रलाई व्यवस्थित बनाउन अनुगमनलाई तीव्र बनाएको छ । नगरपालिकाले विशेषगरी