विश्वकप छनौटमा नेपालको प्रतिद्वन्दीहरु टुंगो लाग्दै

काठमाडौं, १ साउन । फिफा विश्वकप २०२२ को लागि हुने दोश्रो चरणको छनौटको ड्र आज सार्वजनिक हुँदैछ ।

कतारमा आयोजना हुने उक्त विश्वकपमा ४८ राष्ट्र सहभागि हुने चर्चा चलेपनी फिफाले यसको सम्भावनालाई नकार्दै ३२ राष्ट्रमात्र खेलाउने बताइसकेको छ ।

सोही प्रतियोगिताको लागि एसिया क्षेत्रका ४० राष्ट्रलाई विभिन्न ८ समुहमा विभाजन गरेर छनौट चरण खेलाइने प्रतियोगिताको स्वरुप अनुसार ड्र सार्वजनिक गरिन लागेको बताईन्छ ।

यो चरणको छनौट खेलहरु डबल राउन्ड रोबिन लिग स्वरुपमा खेलाइन लागेको थाहा भएको छ । होम र अवे को आधारमा खेलाइने खेलहरु आगामी सेप्टेम्बर ५ देखि अर्को वर्षको जुन ९ सम्म खेलाइने बताईएको छ ।

एसिया क्षेत्रको शिर्ष ३४ टोलीमा पर्न सफल भएपछि नेपालले सिधै दोश्रो चरण प्रवेश पाएको छ । नेपाल भन्दा तल रहेका टोलीले पहिलो चरणको छनौट प्रतियोगिता खेलिसकेका छन् ।

गत संस्करणको छनौटमा नेपाल पहिलो चरणबाटै बाहिरिएको थियो । भारतसँग उसको गृहमैदानमा २–० गोल अन्तरले पराजित नेपाल आफ्नो मैदानमा भारतसँग ०–० को बराबरीमा रोकिँदै प्रतियोगिताबाट बाहिरिएको थियो ।

यो प्रतियोगिता विश्वकपको लागि मात्र नभएर एसियन कपको पनि छनौटको रुपमा रहेको छ । यस प्रतियोगिताको समुह चरणको ८ वटा समुह विजेता र शिर्ष ४ उपविजेता टोली आगामी प्रतियोगिताको लागि छनौट हुनेछन् । ती १२ राष्ट्रले सन् २०२३ मा हुने एसियन कप पनि खेल्न पाउनेछन् ।

यसरी विश्वकपको अन्तिम छनौट प्रतियोगिताको शिर्ष ४ टोलीले विश्वकपमा सिधै स्थान बनाउनेछन् भने पाँचौ टोलीले अन्तरमहादेशीय प्लेअफ खेल्दै विश्वकपमा स्थान बनाउने अर्को मौका पाउनेछ ।

नेपालले हालसम्म विश्वकप छनौटमा गतिलो प्रदर्शन गर्न सकेको छैन । पछिल्लो समय राम्रो फुटबल खेल्दै आएको नेपालले यस विश्वकपमा सुधारिएको प्रदर्शन गर्दै नेपाली फुटबललाई अगाडी बढाउने अवसर पाएको विश्लेषण भइरहेको छ ।  

 

इंग्लिस प्रिमियर लिगः सिजनमा पहिलाे जित चेल्सीकाे

लन्डन, ८ भदाै । ट्यामी अब्राहमले चेल्सीलाई यस सिजनको इंग्लिस प्रिमियर लिगमा पहिलो जित दिलाएका छन् । युवा स्ट्राइकरको दुई गोलमा चेल्सीले नर्विचलाई

आर्सनलकाे पाेष्टमा लिभरपुलकाे ३ गाेल

लन्डन, ८ भदाै । शनिबार राति भएकाे खेलमा लिभरपुलले जित हात पारेकाे छ । लिभरपुलले आर्सनलमाथि ३-१ को जित हात पारेकाे हाे । लिभरपुलका मोहम्मद सलाहले दुई

ला लिगा : शीर्ष स्थानमा सेभिया 

  काठमाडौँ, ७ भदौ । सेभियाले स्पेनिस ला लिगा फुटबलमा लगातार दोस्रो जित निकाल्दै शीर्ष स्थान कब्जा गरेको छ । लिग अन्तर्गत शुक्रबार राति भएको खेलमा

एभर्टनलाई एस्टन भिल्लाको झट्का

  काठमाडौँ, ७ भदौ इङ्लिस प्रिमियर लिग फुटबलमा एभर्टनलाई एस्टन भिल्लाको नमिठो झट्का लागेको छ ।  शुक्रबार राति भएको खेलमा एभर्टन घरेलु टोली एस्टन