कसले मच्चायो सुई आतंक  ?

काठमाडाैं, ८ असार । अज्ञात व्यक्तिले सुईजस्तै तिखो चीजले आफूलाई घोचेको भन्दै पछिल्लो एक सातामा पाँच महिलाले उजुरी दिएका छन् । प्रहरीका अनुसार सबैजसो घटना कालीमाटी–ढल्कु क्षेत्रमा राति ९ देखि १० बजेको अवधिमा भएको देखिन्छ ।

पाँचैवटा घटनामा पैदल हिँडिरहेका बेला मोटरसाइकलमा आएका अज्ञात व्यक्तिले सुईजस्तै तिखो वस्तुले घोच्ने र फरार हुने समान प्रवृत्ति देखिन्छ । सुईजस्तै वस्तुले घोचिएका भनिएका युवतीमध्ये तीन जना स्वास्थ्य परीक्षणका लागि शुक्रराज ट्रपिकल तथा सरुवा रोग अस्पताल टेकुमा समेत पुगेका छन् ।

अस्पतालका निर्देशक डा. वासुदेव पाण्डेले अहिलेसम्म केले घोचिएको हो भन्ने निष्कर्ष ननिस्किएको बताए । प्रहरी परिसर काठमाडौंका डीएसपी होबिन्द्र बोगटीले सुईले नै घोचेको भन्ने चिकित्सकीय पुष्टि भइनसकेको बताए । ‘तिखो वस्तुले घोचेको देखिए पनि सुई भन्ने पुष्टि भइसकेको छैन,’ उनले भने । प्रहरीका अनुसार मोटरसाइकलमा आएर सुईले घोच्नेबित्तिकै भाग्न त्यति सजिलो देखिँदैन । घोचिहाले पनि बाहिर लामो धर्कोजस्तो दाग हुन्छ । ‘तिखो वस्तुले घोचेको भए पनि सुई नै हो भन्न सकिने स्पष्ट आधार देखिँदैन,’ बोगटीले भने ।

महानगरीय प्रहरी वृत्त स्वयम्भूका डीएसपी लालध्वज सुवेदीका अनुसार नयाँ घटना बाहिर आउन थालेपछि पुराना घटना पनि प्रहरीकामा आउन थालेका छन् । स्वयम्भू वृत्तमा जेठ २० र २९ गते भएको घटनालाई लिएर उजुरी भर्खरै परेको छ । एक युवतीले आफू श्रीमान्सँग हिँडिरहेका बेला मोटरसाइकलमा आएको मान्छे सुईजस्तै तिखो चीजले घोचेर बेपत्ता भएको प्रहरीलाई बताएकी छन् ।

अर्की अविवाहित युवतीले भने साथीहरूसँग हिँडिरहेका बेला मोटरसाइकलमा आएको अपरिचितले पाखुरामा च्वास्स घोचेर भागेको बताएकी छन् । डीएसपी सुवेदीले दुवै घटनाको प्रकृति एउटै देखिएको र समय र क्षेत्र पनि एउटै रहेको बताए । उनले भने, ‘घटना भएको भनिएको क्षेत्रमा व्यापक प्रहरी परिचालन र निगरानी बढाइएको छ ।’

एउटै प्रकृतिको घटनाको विवरण बाहिर आएपछि सर्वसाधारणमा त्रास फैलिन थालेकाले प्रहरी परिसर काठमाडौंले टेकु, ढल्कु, कालीमाटी, पकनाजोल, स्वयम्भू र सोह्रखुट्टे क्षेत्रका कैयन् सीसीटीभी फुटेज संकलन गरेर अनुसन्धान थालेको छ । प्रहरी स्रोतका अनुसार राति र बत्ती नभएको वा मधुरो उज्यालो भएको क्षेत्रमा घटना भएकाले सीसीटीभी फुटेजबाट केही नयाँ तथ्य भने फेला परिसकेको छैन ।

प्रहरी परिसर काठमाडौंका प्रवक्ता डीएसपी बोगटीले उक्त क्षेत्रमा सक्रिय शंकास्पद ५० व्यक्तिलाई बोलाएर सोधपुछ गरिसकिएको बताए । उनले भने, ‘केही क्लु फेला पारिसकेका छौं । डराउनै पर्ने अवस्था छैन ।’ प्रहरीले पाँचै घटना एउटै व्यक्तिबाट भएको आकलन गरेको छ ।

अनुसन्धानमा संलग्न एक प्रहरी अधिकारीका अनुसार कोही मानसिक समस्या भएको व्यक्तिले अथवा कसैले त्रास फैलाउन यस्तो गरेको हुन सक्ने देखिन्छ । निवेदन दर्ता गराएका पाँच युवती विवाहित र अविवाहित दुवै भएकाले प्रेम सम्बन्ध वा यस्तै केही कारणले घटना नभएको प्रारम्भिक निष्कर्ष प्रहरीले निकालेको छ । ‘घरबाट बाहिरै निस्कन नमिल्ने गरी असुरक्षा फैलिएको भन्ने अफवाहमा सत्यता छैन । ढुक्क भएर हिँडदा हुन्छ,’ बोगटीले भने । (कान्तिपुरबाट)

नारायणीमा दशैँदेखि पानीजहाज

चितवन  । नारायणी नदीमा सञ्चालन गर्न चार महिनादेखि निर्माणाधीन क्रुज (मिनी पानीजहाज)लाई नदीमा राखिएको छ । पानीबाहिर राखेर निर्माण गरिँदै आएको

मुलुकबाट बाहिरियो ९१ अर्ब

काठमाडौँ — गत जेठसम्म मुलुक भित्रने भन्दा ९१ अर्ब रुपैयाँ बढी रकम बाहिरिएको छ । नेपाल राष्ट्र बैंकले शुक्रबार चालु आर्थिक वर्षको ११ महिने ‘देशको

कता हरायो उपत्यकाका नदी सङ्लो पार्ने योजना ?

काठमाडौं । बढ्दो शहरीकरण, तीव्र जनसंख्या वृद्धि लगायत कारणले काठमाडौं उपत्यकाका नदी तथा विभिन्न खोला नाला दैनिक दुर्गन्धित बनिरहेको छ । दुर्गन्धित

कांग्रेसमा कोइराला परिवारको सक्रियता

काठमाडौं : कांग्रेस र कोइराला परिवार परिपूरकजस्तै थियो सुशील कोइराला सभापति छँदासम्म। १३ औं महाधिवेशनको संघारमा सुशीलको निधन भएपछि कोइराला परिवार