पाइलटको घमण्डले उडान रोकिएपछि...

एजेन्सी । जहाजमा आउने समस्या तथा विमानस्थलका विभिन्न अड्चनका कारण उडान ढिला हुनु सामान्य जस्तै भइसकेको छ । त्यस्तै मौसम प्रतिकुल हुँदा पनि जहाज समयमा नउड्ने गरेको छ ।

भारतको राष्ट्रिय ध्वजाबाहक एयर इन्डियाको उडान भने यि उल्लेखीत भन्दा भिन्न कारणले ढिलो भएको थाहा भएको छ । सोमबार घटेको उक्त घटनामा एयर इन्डियाका पाइलटले जहाजका क्रु लाई आफ्नो लन्च बक्स धोएर ल्याउन आग्रह गर्दा ति क्रु ले नमानेपछि दुईबिच विवाद शुरु भएको बताइएको छ ।

यि दुईबिच विवाद बढ्दै हात नै हालाहालको स्थिती सिर्जना भएपछि जहाजका अन्य सदस्यहरुले झगडा छुट्याएको इन्डिया टुडेले उल्लेख गरेको छ । एआई–७७२ नम्बरको उक्त फ्लाइट बेंगलोरबाट कोलकाता जाने क्रममा रहेको थियो ।

जहाजमा सबै यात्रुलाई चढाएर टेक अफ गर्नु अघि भएको यस घटनाका कारण यात्रुहरु त्रसित बनेको बताइन्छ । उक्त घटनाको कारण विमान ७७ मिनेट ढिलो भएको थियो । झगडाको कारण उडान ढिलो भएको एयर इन्डियाका प्रवत्ताले स्वीकार गरेका छन् ।  

घटनाको बारेमा एयरलायन्सले थाहा पाएपछि विवादमा संलग्न दुबै जनालाई जहाजबाट हटाएर अन्य चालकदलका सदस्यले जहाज उडाएको थाहा भएको छ । ति झगडालु कर्मचारीद्वयलाई एयरलायन्सले काममा जान रोक लगाइ अनुसन्धान गरिरहेको बताइन्छ ।

यसअघि पनि ति पाइलटले अन्य क्याबिन क्रु सँग घमण्ड देखाउँदै यस्तै अनुचित आग्रह गर्ने गरेको खबर बाहिरिएको छ ।

 

 

अस्ट्रियामा बिमान दुर्घटना

भियना, ३ साउन । अस्ट्रियाको पश्चिम टाइरोलमा बिहीबार एउटा सानो बिमान दुर्घटना हुँदा तीन जनाको मृत्यु भएको छ । जर्मनीको सीमा नजिक हिमाली क्षेत्रमा

मेक्सिकोमा भयानक बस दुर्घटना

मेक्सिको सिटी, ३ साउन ।  मेक्सिकोको पश्चिमी नायारिट राज्यमा एउटा यात्रुबाहक बस दुर्घटना हुँदा कम्तीमा १५ जनाको मृत्यु हुनुका साथै २१ जना घाइते भएका

अमेरिकामा बेरोजगारी दर सामान्य बढ्यो

वासिङ्टन, ३ साउन ।  संयुक्तराज्य अमेरिकामा गत साताको बेरोजगारी दरमा सामान्य बृद्धि भएको अमेरिकी श्रम विभागले जनाएको छ । जुलाई १३ मा बेरोजगार

मानवरहित विमान सुरक्षित फर्केको इरानको दाबी

तेहरान, ३ साउन । अमेरिकाले इरानको मानवरहित विमान (ड्रोन) खसालेको भनी गरेको दाबी इरानको सशस्त्र बलले अस्विकार गरेको छ । सबै ड्रोन शिवीरमा सुरक्षित रुपमा