वास्तुले भन्छ, यसरी हुन्छ धनवृद्धि

एजेन्सी । वास्तुशास्त्रको अनुसरण पौराणिक समय देखि नै गरिँदै आएको भएपनि पछिल्लो समय यसको आकर्षण ह्वात्तै बढेको छ ।

यसको आधुनिक व्याख्या गर्न शुरु भएसँगै वास्तुप्रति मानिसहरु सजग हुँदै गइरहेको पाइन्छ । वास्तुले घरमा हुने शक्ति सन्तुलनलाई मिलाउन सुझाउने र यसो गरिँदा फलिफाप हुने गरेकोले पनि मानिसहरु वास्तु प्रति चनाखो हुने गरेका छन् ।

घरमा पैसा राखिने स्थानले पनि धनको प्रभाव र यसको वृद्धिमा प्रभाव पर्ने यस शास्त्रमा उल्लेख रहेको बताइन्छ । पैसा राखिन प्रयोग गरिने दराज, लकर तथा सेफजस्तो साधनको सहि स्थानमा राखिनु जरुरी रहेको छ ।

उक्त शास्त्रमा उल्लेख भएअनुसार दक्षिण तर्फको भित्तामा पर्ने गरी यि पैसा राखिने दराज, लकर र सेफ राखिनुपर्छ । भित्तामा भने ति साधन छुन हुँदैन, भित्ताबाट कम्तिमा २ इन्च टाढा यि साधन राख्नुपर्ने मान्यता रहेको छ ।

त्यस्तै ति धन राख्ने साधनको ढोका खुल्दा उत्तरतर्फ खुल्नु पर्दछ । त्यस्तै सकेसम्म यस्तो धन राख्ने स्थानमा एउटामा ढोका हुनु उपयुक्त मानिन्छ ।
कतिपय मानिस धार्मिक हुँ भन्दै घरको हरेक पाटोमा भगवानको तस्विर लगाउने गर्छन् । तर धन राख्ने दराजमा भगवानको फोटो राख्नु शुभ मानिँदैन । भगवानको फोटोलाई पुजा गर्ने स्थानमा राख्नुनै उपयुक्त मानिन्छ ।

यि कुरालाई ध्यानमा राख्न जरुरी छ

१. कोठाको उत्तर पूर्वी अर्थात् ईशान्य कोणमा पैसाको दराज राख्नु हुँदैन । यसले धनको अनावश्यक खर्च मात्र गराउँछ ।

२.  दराज राख्ने स्थान मुनिको जमिन सर्लक्क मिलेको हुनुपर्छ । दराज टेढो बस्ने किसिमको हुनुहुँदैन ।

३. धन राख्ने दराजलाई स्वस्तीक लेख्दै शुभमुहुर्तमा स्थापना गर्नुपर्छ । श्रवण, धनिष्ठा, स्वाती, पुनर्वसु, शतभिषा, उत्तरा, रोहिणी नक्षत्रलाई शुभ मानिन्छ । त्यस्तै लक्ष्मी पूजाको दिन पनि स्थापना गर्न सकिन्छ ।

४. सामान्यतया हाम्रो घरहरुमा धन राख्ने दराजको पूजा लक्ष्मी पूजाको दिनमा मात्रै गरिन्छ । तर मंसिर महिनाको प्रत्येक बिहिबार र शुक्रबार पनि दराजको पूजा गर्नु उपयुक्त हुन्छ ।

५. धन राख्ने दराजमा माकुराको जालो र धुलो जस्ता फोहोर हुनुहुन्न । यसले धनकी देवी अप्रसन्न हुने बताइन्छ ।

६. धन राख्ने दराजको रंग गाढा हुनुहुँदैन । यसको विपरित हल्ला रंगको प्रयोग हुनु जरुरी छ ।

 

 

ज्योतिषीको भरपर्दा राजाको वंशनाश

ज्योतिष शास्त्र के हो ? ज्योतिष फलादेश मिल्छ कि मिल्दैन ? मिल्छ भने कति प्रतिशत मिल्छ ? प्रश्न छ । ज्योतिषको फलादेश त शत प्रतिशत मिल्छ । ज्योतिष विज्ञान

आज चन्द्र ग्रहण, कुन राशीलाई के लाभ–हानी ?

काठमाडौं । आज असार ३१ गते मंगलबार । गुरु पूर्णिमाको दिन र आजै चन्द्र ग्रहण लाग्ने समय पनि । डेढ सय वर्षपछि गुरु पूर्णिमाकैै दिन चन्द्र ग्रहण लागेको यो

गृहिणीले दैनिक यी ५ काम गरेमा दरिद्री नाश हुने पक्का

एजेन्सी । सफल पुरुषको पछाडि महिलाको हात हुन्छ भन्ने भनाइ घाम झैं छर्लङ्ग छ । असल महिला अर्थात् गृहिणीले पुरुषलाई दिने साथले जीवन सफल हुने कुरालाई

 डेढसय वर्षपछि गुरु पूर्णिमामा चन्द्रग्रहण: कुन राशीलाई कस्तो लाभ ?

काठमाडौं । यही असार ३१ गते मंगलबार चन्द्र ग्रहण लाग्ने छ । यो चन्द्र ग्रहण नेपाल लगायत दक्षिण एशिया क्षेत्रबाट पनि देख्न सकिने छ ।  यसपटक असार