यू–१९ एसिया कपमा छनौट हुने नेपालको अवसर

काठमाडौं, जेठ २९ । एसीसी यू–१९ इस्टर्न रिजन प्रतियोगिताको पहिलो खेलमा नेपालले म्यानमारको सामना गर्नुपर्ने भएको छ । आज जारी भएको खेल तालिका अनुसार समुह ए मा नेपाल सहित म्यानमार, चीन र सिंगापुर रहेको छ । समुह बी मा भने मलेसिया, भुटान, हङकङ र थाइल्याण्ड रहेको छ । आगामी असार १७ देखि २४ सम्म चल्ने यस प्रतियोगिता मलेसियामा आयोजना हुने भएको छ ।

यस प्रतियोगिताको बिजेता टोलीले आगामी भदौ ११ देखि भदौ २२ सम्म चल्ने टेष्ट राष्ट्र सम्मिलित एसीसी यू–१९ एसिया कपमा सहभागि हुने अवसर पाउनेछ ।

श्रीलंकामा आयोजना हुने उक्त प्रतियोगितामा आयोजक श्रीलंका सहित, अफगानिस्तान, बंगलादेश, भारत, पाकिस्तान, युएई, कुवेत र एसीसी यू–१९ इस्टर्न रिजन प्रतियोगिताको विजेताले सहभागि हुन पाउनेछन् । सोही कारण नेपालले उक्त प्रतियोगितामा सहभागि हुने यहि मात्र मौका रहेको छ ।

नेपालले यसअघिको एसीसी यू–१९ एसिया कपमा सहभागिता जनाएको थियो । उक्त प्रतियोगितामा भारत र अफगानिस्तानसँग पराजित भएको नेपालले युएईले दिएको २ सय ६९ रनको लक्ष्य सफलता पूर्वक भेट्टाएको थियो ।   

एसिया कपको क्वालिफायरको रुपमा रहेको यस प्रतियोगितामा नेपालले पहिलो खेल असार १७ मा म्यानमार विरुद्ध खेल्नेछ । त्यस्तै दोश्रो खेल असार २० मा नेपालले सिंगापुरसँग खेल्ने तालिका रहेको छ भने समुह चरणको अन्तिम खेल असार २१ मा नेपालले चीनको सामना गर्नेछ ।

समुह चरणको खेल पश्चात दुबै समुहबाट शिर्ष दुई टोलीले सेमिफाइनलमा स्थान बनाउनेछ । सेमिफाइनलको खेल भने २३ गते हुने तालिका रहेको छ । त्यस्तै फाइनल खेल भने असार २३ गते हुनेछ ।

 

तस्विरः अघिल्लो वर्ष यू–१९ एसिया कप खेल्ने नेपाली टोली

 

 यू–१५ साफ च्याम्पियनसिप : नेपाल भारतसँग पराजित

  काठमाडौँ, ४ भदौ । भारतमा जारी पाँचौँ संस्करणको यू–१५ (पन्ध्र वर्षमुनि) साफ फुटबल च्याम्पियनसिपको पहिलो खेलमा नेपाल पराजित भएको छ । पहिलो खेलमा

एशिया कप क्रिकेट : नेपालको पहिलो प्रतिद्वन्द्वी श्रीलङ्का

काठमाडौँ, ४ भदौ । यसै महीना श्रीलङ्कामा आयोजना हुने एसिसी यू–१९ (उन्नाइस वर्षमुनि) एशिया कप क्रिकेटमा नेपालले आयोजक श्रीलङ्काको सामना गर्दै

एभिसी सेन्ट्रल जोन पुरुष भलिबल : नेपाललाई जित्नै पर्ने दबाब

काठमाडौँ, ४ भदौ । नेपाली भलिबलको इतिहासमा पहिलोपटक नेपालमै आयोजना भइरहेको एसियन भलिबल कन्फेडेरेशन (एभिसी) सेन्ट्रल जोन पुरुष भलिबलमा आज नेपाल जित्नै

पोग्बाले पेनाल्टी मिस गरेपछि म्यानचेस्टर राेकियाे

वोल्भरह्याम्पटन, ४ भदाै । पाउल पोग्बाले पेनाल्टी गुमाएपछि म्यानचेस्टर युनाइटेड सोमबार इंग्लिस प्रिमियर लिगमा वोल्भससँग १–१ को बराबरीमा रोकिएको