प्रधानमन्त्री रोजगार कार्यक्रम शुरु

दमौली, २८ जेठ  । ‘सबैका लागि रोजगार, संवैधानिक अधिकार’ भन्ने मूल नारा साथ तनहुँको बन्दीपुर गाउँपालिकामा प्रधानमन्त्री रोजगार कार्यक्रम शुरु भएको छ । नागरिकलाई न्यूनतम रोजगारीको अवसर सिर्जना गर्ने लक्ष्यसहित शुरु भएको प्रधानमन्त्री रोजगार कार्यक्रमको आज बन्दीपुर गाउँपालिका–२ मोहोरियामा गाउँपालिकाका अध्यक्ष पूर्णसिं थापाले नाला निर्माणको शुभारम्भ गरे ।

अध्यक्ष थापाले विकास सँगसँगै रोजगारी दिने सरकारको कार्यक्रम सकारात्मक रहेको चर्चा गर्दै बेरोजगारको सूचीमा सूचीकृत भएकालाई गाउँपालिकाको विकास निर्माणमा खटाइने बताए । उनले भने, “आगामी वर्ष गाउँपालिकाले सञ्चालन गर्ने आयोजनामा पनि बेरोजगार सूचीमा सूचीकृतलाई खटाउँछाँै ।”

प्रमुख प्रशासकीय अधिकृत सुकदेव लम्सालले बन्दीपुर गाउँपालिका–१ स्थित पिप्ले गुर्दुम नाला निर्माण, बन्दीपुर गाउँपालिका–२ स्थित गुर्दुम बन्दीपुर नाला निर्माण तथा बन्दीपुर गाउँपालिका–४ स्थित तीनधारे पर्यटकीय पुन्टे खोला नाला निर्माण योजनामा ४१ जनालाई रोजगारमा खटाइएको जानकारी दिए । 

 उनले भने, “पारिश्रमिकमा आधारित सामुदायिक आयोजना सञ्चालन तथा व्यवस्थापन कार्यविधि २०७६ पारित एवं लागू भइसकेको हुँदा सोही कार्यविधिमा आधारित भई सञ्चालन गर्न सम्भावित श्रमप्रधान आयोजनामा बेरोजगारलाई खटाएका छौँ ।”

रोजगारमा खटिनेलाई दैनिक करसहित रु ६२५ प्रदान गरिने रोजगार सेवा केन्द्र प्रमुख शरणसिं गुरुङले जानकारी दिए । उनका अनुसार न्यूनतम रोजगारीको लागि सरकारले चालू आर्थिक वर्षमा बन्दीपुरलाई रु ११ लाख विनियोजन गरेको छ । जसअनुसार पिप्ले गुर्दुम नाला निर्माणमा खटिनेलाई रु चार लाख, गुर्दुम बन्दीपुर नाला निर्माणमा खटिनेलाई रु चार लाख र तीनधारे पुन्टे खोला नाला निर्माणमा खटिनेलाई रु तीन लाख पारिश्रमिक दिइनेछ ।

बन्दीपुर गाउँपालिकामा ६१४ ले न्यूनतम रोजगारीमा संलग्न हुनका लागि निवेदन दिएका थिए । अन्यलाई समेत आगामी वर्षका योजनामा काममा खटाउने गाउँपालिकाको तयारी छ ।

आँबुखैरेनीमा पनि शुरु

तनहुँको आँबुखैरेनी गाउँपालिकामा आजदेखि नै प्रधानमन्त्री रोजगार कार्यक्रम शुरु भएको छ । कार्यक्रमअन्तर्गत आँबुखैरेनी गाउँपालिका–२ स्थित मार्कीचोक तिलबारी हुँदै नयाँ गाउँ जाने बाटो मर्मतका लागि १६ जना बेरोजगारलाई खटाइएको रोजगार सेवा केन्द्र प्रमुख कमला गैह्रेले जानकारी दिइन् ।

प्रधानमन्त्री रोजगार कार्यक्रमअन्तर्गत आँबुखैरेनी गाउँपालिकालाई चालू आर्थिक वर्षमा रु १२ लाख विनियोजन गरेको छ । सोही बजेटबाट वडा–वडामा नै बेरोजगारलाई खटाउने तयारी गरिएको गैह्रेले जानकारी दिइन् । उनले भनिन्, “आयोजना छनोट गरेर १०÷१२ जनालाई वडा तहमा नै रोजगारी दिने लक्ष्य छ ।” रासस

मेलम्ची आयोजनाको काम सञ्चालन गर्न कार्यदल

मेलम्ची, असार १० । मेलम्ची खानेपानी आयोजनाको ठेक्का प्राप्त गरी काम गर्न पुगेको कम्पनीलाई स्थानीय ठेकेदारले फर्काइदिएका स्थानीय ठेकेदारले दुई बुँदे

गुपचुप नगरसभा गर्न खोजिएको भन्दै स्थगित गर्न माग

लहान, १० असार । आफुहरुसँग कुनै सल्लाह नै नगरी गुपचुप रुपमा नगरसभा गर्न खोजिएको भन्दै सिरहाको सुखीपुर नगरपालिका उपपप्रमुखसहित पाँच वडाध्यक्षले

प्रदेश नं ३ का पाँच जिल्लामा विषादी परीक्षण केन्द्र

भरतपुर, १० असार । फलफूल तथा तरकारीमा अत्यधिक विषादी पाइन थालेपछि प्रदेश नं ३ को भूमि व्यवस्था, कृषि तथा सहकारी मन्त्रालयले प्रदेशका पाँच जिल्लामा

दुई बुँदे सहमतिपछि मेलम्ची सञ्चालन गर्न दिने

मेलम्ची, १० असार । मेलम्ची खानेपानी आयोजनाको ठेक्का प्राप्त गरी काम गर्न पुगेको कम्पनीलाई स्थानीय ठेकेदारले फर्काइदिएका स्थानीय ठेकेदारले दुई बुँदे