‘बोल्ड आउट’ गरेको बल उडेर सिमारेखा कटेपछि...

एजेन्सी । क्रिकेटको महाभिडन्त अहिले इंग्ल्याण्ड र वेल्सम जारी छ । विश्वका उत्कृष्ट १० देशले आफ्नो उत्कृष्ट खेल पस्कँदै विश्वकप २०१९ प्रतियोगितालाई रोमाञ्चक बनाइरहेका छन् ।

यि अब्बल राष्ट्रहरु जितको लागि हरसम्भव प्रयासका साथ प्रतिस्पर्धात्मक खेलहरु खेलिरहेको छन् । यि खेलहरुमा घट्ने कतिपय घटनाहरु भने अविष्मरणीय नै हुने गरेका छन् ।

शनिबार राति बंगलादेश र इंग्ल्याण्ड बिचको खेलमा यस्तै घटना घटेको छ । जुन क्रिकेट समर्थकहरुले लामो समयसम्म याद गर्नेछन् ।
बंगलादेशका ब्याटसम्यान सौम्या सरकारले ब्याटिङ गरिरहँदा इंग्ल्याण्डका तिब्र गतिका बलर जोफ्रा आर्चरले फालेको बलको अहिले सामाजिक संजालमा व्यापक चर्चा चलिरहेको छ ।

दोश्रो इनिङको चौथो ओभरको दोश्रो बलमा आर्चरले फालेको दोश्रो बल ब्याटसम्यान सरकारले खेल्न नसकि बिट भएको र उक्त बल अफ स्टम्पमा लागेर उड्दै विकेट किपरको पछाडि सिमारेखा नै कटेको थियो । १ सय ४३ किलोमिटर प्रतिघण्टाको स्पीडमा फालिएको उक्त बलले सरकारलाई आउट पार्दै त्यति पर गएको घटना क्रिकेटमा बिरलै देखिने गर्छ ।

अन्तर्राष्ट्रिय क्रिकेट काउन्सिल (आईसीसी) ले उक्त बलको भिडियो ट्वीटरमार्फत् ‘ अहिलेसम्म स्टम्पमा लागेको बल उडेर छक्का भएको देख्नु भएको छ ’ भन्दै शेयर गरेको छ ।

पूर्व भारतीय क्रिकेटर इरफान पठान र पूर्व पाकिस्तानी क्रिकेटर फैसल इक्वालले पनि आँफु अचम्मित भएको भन्दै उक्त भिडियो शेयर गरेका छन् । आर्चर यस विश्वकप अहिलेसम्म सबैभन्दा बढि स्पीडमा बल फाल्ने पेशर पनि बनेका छन् । उनको सबैभन्दा तिब्र गतिको बल १ सय ५३ किलोमिटर प्रतिघण्टाको मापन गरिएको छ ।

त्यसअघि इंग्ल्याण्डले पहिले ब्याटिङ गर्दै ५० ओभरमा ६ विकेटको क्षतिमा ३ सय ८६ रन बनाएको थियो भने जवाफी ब्याटिङ गरेको बंगलादेशले ४८.५ ओभरमा २८० रन बनाउँदै अलआउट भएको थियो । इंग्ल्याण्डले उक्त खेल १ सय ६ रनले जित्न सफल भएको थियो ।
 

 

एशिया कप क्रिकेट : नेपालको पहिलो प्रतिद्वन्द्वी श्रीलङ्का

काठमाडौँ, ४ भदौ । यसै महीना श्रीलङ्कामा आयोजना हुने एसिसी यू–१९ (उन्नाइस वर्षमुनि) एशिया कप क्रिकेटमा नेपालले आयोजक श्रीलङ्काको सामना गर्दै

एभिसी सेन्ट्रल जोन पुरुष भलिबल : नेपाललाई जित्नै पर्ने दबाब

काठमाडौँ, ४ भदौ । नेपाली भलिबलको इतिहासमा पहिलोपटक नेपालमै आयोजना भइरहेको एसियन भलिबल कन्फेडेरेशन (एभिसी) सेन्ट्रल जोन पुरुष भलिबलमा आज नेपाल जित्नै

पोग्बाले पेनाल्टी मिस गरेपछि म्यानचेस्टर राेकियाे

वोल्भरह्याम्पटन, ४ भदाै । पाउल पोग्बाले पेनाल्टी गुमाएपछि म्यानचेस्टर युनाइटेड सोमबार इंग्लिस प्रिमियर लिगमा वोल्भससँग १–१ को बराबरीमा रोकिएको

फुटसल प्रतियोगिता हुने

  धनगढी, ३ भदौ । ‘फ्ल्याटल्याण्ड फुटसल रिक्रिएसन’ र नेपाल खेलकूद पत्रकार मञ्च कैलालीको संयुक्त आयोजनामा ‘नेपाल आइस धनगढी फुटसल लिग’ हुने भएको