अब शिक्षकलाई अनलाईनबाट तालिम

सरल संवाददाता - भक्तपुर, ३० जेठ । शैक्षिक गुणस्तर बृद्धिका साथै शिक्षामा प्रविधिको विकासका लागि सरकारले शिक्षा शास्त्र नपढिकनै शिक्षक बनेका शिक्षकलाई अनलाईन मार्फत् तालिम दिने तयारी गरेको शैक्षिक जनशक्ति विकास केन्द्रले जनाएको छ ।
सरकारले पहिलोपटक अनलाईन मार्फत् यसरी तालिम दिन लागेको हो । उक्त तालिममा कक्षा ११ र १२ मा अध्यापन गराउने शिक्षक मात्र सहभागी हुन पाउने केन्द्रले बताएको छ ।
कक्षा १ देखि कक्षा १० सम्म अध्यापन गराइरहेका अधिकांश शिक्षकले पेशागत तालिम लिइसकेका कारण कक्षा ११ र १२ मा अध्यापन गराउने शिक्षकलाई मात्र सो तालिम दिन लागेको केन्द्रको भनाइ छ । मोडल लर्निङ म्यानेज्मेण्ट सिस्टम छ, त्यो प्लेटफर्म अन्तर्गत रहेको फ्री सफ्टवेयरको प्रयोग गरेर शिक्षकलाई तालिम दिन लागेको केन्द्रका तालिम संयोजक बौद्ध निरौलाले बताए ।
‘पाइलट प्राजेक्ट’ को रुपमा यो वर्षबाट सुरु गरिएको सो तालिममा विज्ञान, व्यवस्थापन र मानविकी संकाय पढेर शिक्षण पेशामा संलग्न शिक्षकलाई सहभागी गराइने केन्द्रले जनाएको छ । त्यसमा २० जना शिक्षक सहभागी हुने छन् ।

केन्द्रले तयार गरेको तालिमका विषयबस्तुलाई सम्पादन गरेर पाठ्यक्रम तयार गरिएको बताउँदै तालिम संयोजक निरौलाले अनलाईन मार्फत नै विभिन्न कामहरु गराउने खाका समेत तयार भएको जानकारी दिए ।
त्यसका लागि तालिममा सहभागी शिक्षकलाई तीन दिने अभिमुखीकरण समेत सुरु भएको छ । सो अभिमुखीकरणपछि शिक्षकलाई घरमै बसेर तालिमसम्बन्धी काम गराउने र अन्तिममा अनलाईन मार्फत् जाँच दिन लगाउने व्यवस्था गरिएको छ ।
९० दिनको समयावधिको सो तालिमको अवधिका क्रममा प्रशिक्षार्थी र प्रशिक्षक दुबैले अनलाईनमार्फत् तालिमका विषयवस्तुमाथि छलफल गर्ने छन् । अभिमुखिकरणमा काठमाडौं, ललितपुर, भक्तपुर, धादिङ, नुवाकोट, काभ्रेपलाञ्चोक गरी ६ जिल्लाका शिक्षकलाई सहभागी गराइएको छ ।

अब शैक्षिक प्रमाणपत्र धितो राखेर ऋण लिन पाइने

काठमाडौँ, १२ असोज । अब शैक्षिक योग्यताको प्रमाणपत्र धितोमा राखेर शैक्षिक ऋण लिन पाइने भएको छ । नेपाल राष्ट्र बैंकले विहिबार सबै वाणिज्य बैंक तथा

ग्लोबल कन्सल्टको चौथो शाखा होबार्टमा

अष्ट्रेलिया  । ग्लोबल कन्सल्टले अष्ट्रेलियाको ताजमानियाको होबार्टमा आफ्नो नयाँ शाखा स्थापना गरेको छ ।   होबार्टका पूर्व मेयर डेमन थोमसले

 एकतिहाइ गैरकानूनी शैक्षिक परामर्शदाता महिला तस्करी गर्छन्

काठमाडौं, ३ असोज । नेपालका करिब २५ सय शैक्षिक परामर्शदाता रहेको र यसमध्ये एक तिहाइ अवैध रहेको शिक्षा, विज्ञान तथा प्रविधि मन्त्रालयले जानकारी दिएको छ

 निजी क्षेत्रका शिक्षालय र अस्पताललाई आफ्नो बन्दोबस्त गर्न चेतावनी 

काठमाडौं । नेपाल कम्युनिष्ट पार्टी स्थायी कमिटीका सदस्य योगेशकुमार भट्टराईले अब शिक्षा र स्वास्थ्य क्षेत्रमा नयाँ संस्था नखोलिने बताएका