मोदीलाई ३५२ सिट, दुई तिहाइका लागि ९ सिट पुगेन

नयाँदिल्ली (एजेन्सी) : भारतीय लोकसभा निर्वाचनमा भारतीय जनता पार्टी ३०३ सिटमा विजयी भएको छ। निर्वाचन परिणामअनुसार सत्तारूढ भाजपा नेतृत्वको संयुक्त गठबन्धन (एनडीए) ले ३५२ सिट हासिल गरेको हो।

लोकसभामा भाजपा गठबन्धनलाई दुई तिहाइका लागि ९ सिट कम भएको छ। ५४२ सदस्यीय लोकसभामा स्पष्ट बहुमत पाएपछि अब भाजपा नेता नरेन्द्र मोदी दोस्रो कार्यकालका लागि प्रधानमन्त्री बन्ने पक्का भएको छ। भारतीय निर्वाचन आयोगका अनुसार भाजपा सन् २०१४ मा भन्दा यसपटक २२ सिट बढीमा विजयी भएको छ। भाजपाको राष्ट्रवादी तथा हिन्दु धर्मवादी नाराले भारतीय नागरिकबीच लोकप्रियता पाएकाले एकछत्र जित निकाल्न सफल भएको सञ्चारमाध्यमले उल्लेख गरेका छन्।

एनडीए गठबन्धनमा रहेका अन्य दलमध्ये शिव सेनाले १८, जनता दल युनाइटेड (जेडीयू) ले १६, लोक जनशक्ति पार्टीले ६, अकाली दल र अप्ना दलले २÷२ सिट तथा झारखण्ड विद्यार्थी संघ, लोकतान्त्रिक पार्टी, मिजो नेसनल फ्रन्ट र नेसनल पिपल्स पार्टीले एकएक सिट जितेका छन्। त्यसैगरी भाजपा समर्थन रहेका एक स्वतन्त्र उम्मेदवारले पनि जितेका छन्।

विपक्षी गठबन्धनतर्फ भने भारतीय राष्ट्रिय कांग्रेसले ५२ सिटमा मात्रै जित हासिल गरेको छ। अघिल्लो पटकको लोकसभा निर्वाचनको तुलनामा यो पनि ८ सिट बढी भएको निर्वाचन आयोगले जनाएको छ। कांग्रेस नेतृत्वको यूपीए गठबन्धन कुल ८७ निर्वाचन क्षेत्रमा विजयी भएको छ। यस गठबन्धनमा आबद्धमध्ये द्रविदा मुन्नेत्र काझागम (डिएमके) ले २३, नेसनलिस्ट कंग्रेस पार्टी (एनसीपी) ले ५, इन्डियन युनियन मुस्लिम लिगले तीन सिट जितेका छन्।

त्यसैगरी रिभोलुसनरी सोसलिस्ट पार्टी (आरएसपी), केरला कंग्रेस —एम (केसी—एम), झारखण्ड मुक्ति मोर्चा (जेएमएम) र विदुथलाई चिरुथाइगल काट्ची (भिसिके) ले एक एक सिटमा जित हासिल गरेका छन्। अप्रिल ११ देखि मे १९ सम्म भारतीय मतदाताले संसद्को तल्लो सदन लोकसभाका ५४२ सदस्य चयनका लागि मतदान गरेका थिए।

देशभरिका ९० करोड मतदातालाई निर्वाचनमा सहभागी गराउन विभिन्न सात चरणमा मतदान भएको थियो। बिहीबार बिहानदेखि मतगणना सुरु भएको थियो। (अन्नपुर्ण पोष्ट दैनिकबाट)

प्रधानमन्त्रीकै सिंहासनमुनि राजतन्त्र ब्यूँताउने भूमिगत गिरोह सक्रिय

काठमाडौं, ५ भदौ । संघीय गणतन्त्र नेपालको पहिलो आम निर्वाचनमा गठबन्धनबाट बहुमत ल्याएपछि २०७४ फागुनमा नेपालको कार्यकारी प्रमुखमा नियुक्त हुनुभएका

ट्राफिकका नयाँ नियमः चर्चा कमाउने, कार्यान्वयन नगर्ने

काठमाडौं, ५ भदाै । ट्राफिक प्रहरीले नयाँ नियम ल्याउने, दुईचार महिना कार्यान्वयन गर्ने अनि निरन्तरता नदिने प्रवृत्तिले सडक प्रयोगकर्ताले हैरानी

सशस्त्र प्रहरीको ध्यान उत्तरी नाकातर्फ

काठमाडौं, ५ भदाै । सशस्त्र प्रहरी बलले नेपाल–चीन नाकामा तस्करी बढेको भन्दै उत्तरतर्फ बोर्डर आउट पोस्ट (बिओपी) स्थापना गर्न गृह मन्त्रालयमा

आफूअनुकूल विज्ञापन दिने गरी विधेयक परिमार्जन

काठमाडौँ, ५ भदाै । सरकारले आफूमातहत निकायका विज्ञापन एकद्वार प्रणालीबाट आफूअनुकूलका सञ्चारमाध्यमलाई मात्र दिने गरी विधेयक परिमार्जन गरेको छ ।