बिमल र खवास बिनाको नेपाली टोली घोषणा

काठमाडौं, ६ जेठ । मलेसिया र चाइनिज ताइपेई विरुद्ध खेल्न नेपाली राष्ट्रिय फुटबल टोलीको घोषणा भएको छ । 

प्रशिक्षक योहान कलीनको नेतृत्वमा घोषणा गरिएको टोलीमा फरवार्ड बिमल घर्तिमगर र भरत खवास छैनन् । दुबै खेलाडीमा फिटनेसको समस्या भएकाले छनौटमा नपरेको बताइन्छ । 

सन् २०२० को विश्वकप छनौटको लागि अभ्यासको रुपमा रहेको यि दुई मैत्रीपूर्ण खेल खेल्न लागेको टोली दुई साताको प्रशिक्षण पश्चात घोषणा गरिएको थाहा भएको छ ।

 नेपालले आगामी जेठ १९ मा मलेसियाको र जेठ २३ मा ताइपेईको सामना गर्ने तालिका रहेको छ । 

प्रशिक्षक कलिनले भने, ‘हाम्रो खेल्ने शैली निमार्णको क्रममा यो एउटा राम्रो अवसर आएको छ । हामीले दुईवटा तगडा प्रतिस्पर्धा अपेक्षा गरेका छौं र हामी अझै अघि बढ्न सक्छौं भन्ने विश्वास छ । ’

उनले खेलाडीको छनौट अभ्यास सत्रको प्रदर्शनको आधारमा गरिएको जानकारी दिए । केही खेलाडीले अभ्यासमा राम्रो गरेको र खेलमा उनीहरुले उक्त प्रदर्शन दोहो¥याउने विश्वास उनले गरेका छन् । 

उनले फिटनेसमा समस्या भएका बिमल, भरत र हेमन गुरुङलाई टोलीमा समावेश नगरिएको बताए । 

यस्तो छ नेपालको टोली

गोलरक्षक : किरण चेम्जोङ, एलन न्यौपाने, विकेश कुथु

डिफेन्डर : विराज महर्जन, सरोज दाहाल, रजिन धिमाल, सुमन अर्याल, अनन्त तामाङ, अजित भण्डारी, देवेन्द्र तामाङ, रवि सिलवाल

मिडफिल्डर/फरवार्ड:  सुनिल बल, रवि पासवान, सुजल श्रेष्ठ, विशाल राई, रोहित चन्द, विक्रम लामा, सन्तोष तामाङ, तेज तामाङ, विमल राना, नवयुग श्रेष्ठ, अभिषेक रिजाल, अन्जन विष्ट ।
 

प्रधानमन्त्री कप क्रिकेटको उपाधि एपिएफलाई

भीमदत्तनगर, ११ असार । कञ्चनपुरको भीमदत्तनगरमा जारी प्रधानमन्त्री कप महिला क्रिकेट राष्ट्रिय प्रतियोगिताको उपाधि सशस्त्र प्रहरी बलको एपिएफ क्लबले

विश्वकपमा पाकिस्तानको यस्तो संयोग, उपाधि जित्ने दाबी

एजेन्सी । विश्वकप क्रिकेट २०१९ को सरगर्मी चलिरहेको छ । प्रतियोगितामा न्युजिल्याण्ड, भारत र अष्ट्रेलियाले बलियो प्रदर्शन गरिरहेका छन् । यी तीनै टोली

विश्वकप क्रिकेटको सेमिफाइनलमा अस्ट्रेलिया

लन्डन, ११ असार । इंग्ल्यान्डमाथि ६४ रनको सहज जित हात पारेपछि अस्ट्रेलिया मंगलबार विश्वकप क्रिकेटको सेमिफाइनल पुगेको छ । सात खेलमा छैटौं जित हात

आन्द्रे रसेल घाइते, समस्यामा वेष्ट इन्डिज

एजेन्सी । वेष्ट इन्डिजका विस्फोटक ब्याटसम्यान आन्द्रे रसेल घाइते भएका छन् । घुँडाको चोटबाट ग्रसित उनी विश्वकप टोलीबाट बाहिरिएका छन् । रसेललाई