ट्वीटरमा आईपीएलको यस्तो कीर्तिमान

एजेन्सी । भर्खरै सम्पन्न भएको इन्डियन प्रिमियर लिग (आईपीएल) को खेलहरुमा खचाखच दर्शकले स्टेडियम भरिएको थियो ।

मिडियाका विभिन्न माध्यमहरुमा पनि यहि प्रतियोगिताको चर्चा निरन्तर चलिरहेको अवस्था थियो । भारतमा क्रिकेटको अत्याधिक क्रेजको कारण आईपीएल चलिरहँदा अन्य गतिबिधी नै कम हुने गरेको बताइन्छ ।

आईपीएलको महिमा यतिमै सिमित रहेन । पैसाको खोला नै बग्ने यस प्रतियोगिताका समर्थकहरुले ट्वीटरमा पनि त्यस्तै तहल्का मच्चाए ।

आईपीएलको यस १२ औं संस्करण प्रतियोगिताको बारेमा २ करोड ७० लाख वटा ट्वीट गरिएको थाहा भएको छ । कुल ६० खेल खेलिएको यस प्रतियोगिताको ट्वीटरमा चर्चा अघिल्लो वर्षको तुलनामा ४४ प्रतिशत बढि भएको तथ्यांक सार्वजनिक भएको छ ।

प्रतियोगितामा यसरी चर्चा बटुल्ने क्रममा महेन्द्र सिंह धोनीको बढि योगदान रहेको छ । प्रतियोगितामा उत्कृष्ट प्रदर्शन गरेका उनको नाम मेन्सन गर्दै सबैभन्दा बढि ट्वीट गरिएको छ ।

त्यस्तै व्यक्तिगत प्रदर्शन राम्रो भएपनि खराब कप्तानीमा नाम कमाएका विराट कोहली भने यस सूचीमा दोश्रो स्थानमा छन् । त्यस्तै उपाधी बिजेता मुम्बई इन्डियन्सका कप्तान रोहित शर्मा भने तेश्रो नम्बरमा छन् ।

यस प्रतियोगिताको बारेमा सबैभन्दा बढि ट्वीट भने फाइनल खेल नै भएको बताइन्छ । उक्त खेलमा मुम्बईले चेन्नई सुपर किंग्सलाई १ रनले हराइ रोमाञ्चक बनाएको कारण पनि यसको चर्चा बढि भएको बुझिएको छ ।

आईपीएलमा यस्तै चर्चित भने हार्दिक पाण्ड्याको एउटा ट्वीट बनेको छ । उक्त ट्वीटमा मुम्बईबाट खेलेका हार्दिकले धोनीसँगको फोटो राख्दै ‘मेरो प्रेरणा, मेरो दाजु, मेरो साथी, मेरो आदर्श’ क्याप्सनमा लेखेका थिए ।  उक्त फोटो १६ हजार समर्थकले रि–ट्वीट गरेका थिए भने एक लाख ४० हजारले उक्त पोष्टलाई लाइक गरेका थिए ।

भारतको ट्रेन्डीङमा पटक पटक कब्जा गरेको यस प्रतियोगिताको ट्वीटरमा अझैसम्म चलिरहेको चर्चा देख्दा इंग्ल्याण्ड हुन गइरहेको विश्वकप प्रतियोगिता अघिसम्म यो शान्त नहुने विश्लेषण गरिएको छ ।

 

आठौँ राष्ट्रिय खेलकूदका विजयी खेलाडी सम्मानित

काठमाडौँ, ९ जेठ । सशस्त्र प्रहरी बल (एपीएफ) ले गत वैशाखमा सम्पन्न आठौँ राष्ट्रिय खेलकूद प्रतियोगितामा पदक विजेता आफ्ना क्लबका खेलाडीलाई आज सम्मान

सावित्राको शानदार प्रदर्शन, सेथु बन्यो लिग च्याम्पियन

काठमाडौं, ८ जेठ । स्टार महिला फुटबलर सावित्रा भण्डारी साम्बाको २ गोल सँगै सेथु फुटबल क्लबले इन्डियन वुमन्स लिगको उपाधि जितेको छ । आज भएको फाइनलमा खेलमा

सीपीएलको ड्राफ्ट आज, नेपाली क्रिकेटरको सम्भावना कति ?

काठमाडौं, ८ जेठ । चार नेपाली खेलाडी पनि ड्राफ्ट सूचीमा परेको क्यारेबियन प्रिमियर लिग (सीपीएल) को ड्राफ्ट आज लन्डनमा हुँदैछ । नेपाली समयअनुसार साँझ ७ः४५

हृदयघात भइ फुटबल मैदानमै ढलेका रेफ्रीको मृत्यु

एजेन्सी । दक्षिण अमेरिकी राष्ट्र बोलिभियाको ए डिभिजन फुटबल खेलको क्रममा रेफ्रीको मृत्यु भएको छ । आइतबार भएको खेलमा ३१ वर्षिय रेफ्री भिक्टर ह्युगो